【聲明】港生活網站並無進行電話推廣活動

穿性感水着拍MV 王君馨對鏡頭狂放電

發佈時間: 2020/08/21

王君馨自資六位數字推出的國語新歌《Casada》,MV推出至今點擊已逾30萬人次,歌曲更打上903專業推介第二位,成績非常好。君馨除了以性感水着人妻造型拍MV,又與王梓軒開live宣傳,她笑言拍MV拍上癮,希望下次嘗試做導演滋味。

王君馨最近落力宣傳新歌《Casada》,日前更與身在美國的老友王梓軒開網上直播,大談拍新歌MV的趣事。君馨開心說︰「拍《Casada》學咗好多關於拍MV嘅技巧,好似攝影、燈光等,發覺自己對拍MV有好大興趣!嚟緊我會同多幾位導演、攝影師合作,有機會我都想試下做MV導演。」王梓軒大表贊成,更笑言要找君馨幫自己拍MV。

君馨在MV中穿上白色Deep V泳裝,大擺多個濕身誘惑甫士,性感非常︰「拍MV嗰陣個黃昏好短暫,無機會即場睇playback,如果時間許可,我可以再tune多少少眼神,嘴部動作要誇張啲!」

撒嬌聲綫獻唱

君馨搞笑指,拍MV時要不停對鏡頭放電,原來甚辛苦︰「一路roll機,我一路跳舞,一路咪緊嘴,同時攝影師亦會畀好多指示,會要求我郁多啲膊頭、撥多次頭髮、眼神再電佢多啲咁,側邊啲人睇住我,以為我黐咗綫,真係人都癲呀!」王梓軒大讚君馨在新歌的聲綫甚有驚喜,跟以往不同,君馨表示今次以新方式獻唱︰「今次想用一把好舒服嘅聲綫去唱,希望出嚟效果好似平時同老公傾偈,或者向老公撒嬌咁樣。」

撰文︰Pauline

編輯︰李潔盈

美術︰梁政敏

穿性感水着拍MV 王君馨對鏡頭狂放電

王君馨在黃昏的沙灘上,濕身大曬美腿。