聽日就係旅遊節目《西葡潮什麼》最後一集，37歲索媽主持梁芷珮喺社交平台表示好唔捨得：「多謝大家唔介意我帶住三位小老闆跟住我哋去拍節目。」近日佢喺IG開直播回應網民問題，選出《潮什麼》系列最難忘3件事，並上載絕密幕後片段畀大家欣賞，講到明「TVB冇出過」。
(梁芷珮instagram圖片)
{{hket:inline-image name="12.jpg"}}{{/hket:inline-image}}
(梁芷珮instagram圖片)
梁芷珮話其中一件難忘事就係佢喺《北歐潮什麼》著住比堅尼跳冰湖，只見佢喺鏡頭後面不斷凍到打冷震，佢話：「嗰日好似得-5定-10度，著住件泳衣由玻璃屋跑出去都要5分鐘，諗都唔諗即刻跳落真係要好大勇氣啊！仲要攝影師得我老公一個，真係冇take 2㗎，見佢跑來跑去影我仲辛苦過我。」
(梁芷珮instagram短片截圖)
(梁芷珮instagram短片截圖)
{{hket:inline-image name="25.jpg"}}{{/hket:inline-image}}
(梁芷珮instagram短片截圖)
{{hket:inline-image name="22.jpg"}}{{/hket:inline-image}}
(梁芷珮instagram短片截圖)
另一件事就係喺印度街頭食火焰檳榔，梁芷珮笑言大家夠膽玩，一定要挑戰吓:「據講有效幫你去肚風，同埋口氣清新。」雖然講就好易，不過佢當日食嗰陣驚到臉容扭曲，佢都自嘲：「從未如此樣衰過。」相比起梁芷珮，梁爸爸氣定神閒，仲話幾好食，梁芷珮話:「除咗我同我老公夠膽癲之外，最驚喜當然係我嘅爸爸都同我哋癲埋一份。」去到梁芷珮老公Ken挑戰，佢都係一臉淡定。事後梁芷珮話放入口嘅過程太快，食落去唔熱，只覺得好強薄荷味。
(梁芷珮instagram短片截圖)
{{hket:inline-image name="20.jpg"}}{{/hket:inline-image}}
(梁芷珮instagram短片截圖)
{{hket:inline-image name="19.jpg"}}{{/hket:inline-image}}
(梁芷珮instagram短片截圖)
梁芷珮覺得係喺芬蘭嘅冰酒店住嘅日子都好難忘，但就話有苦自己知：「要喺零下五度嘅冰房度瞓一晚，除咗冰之外乜嘢都冇，最慘係着好晒睡袋，夜晚急PP都唔願走去廁所。」
(梁芷珮instagram短片截圖)
{{hket:inline-image name="16.jpg"}}{{/hket:inline-image}}
(梁芷珮instagram短片截圖)
{{hket:inline-image name="18.jpg"}}{{/hket:inline-image}}
(梁芷珮instagram短片截圖)
除此之外，梁芷珮喺直播回顧以往嘅拍攝經歷。被網民問到點樣一邊拍嘢，一邊照顧到3個小朋友，佢話：「我喺鏡頭前講，啲仔女自己跑咗去。其實我都係去好大嘅旅遊景點，好安全嘅環境，同埋都係喺我視線範圍裡面畀佢哋走，我好放心畀佢哋探索吓。你太過保護佢，佢只會成日淨係識講：『媽咪點算好』」
(梁芷珮instagram直播截圖)
{{hket:inline-image name="11.jpg"}}{{/hket:inline-image}}
(梁芷珮instagram圖片)
梁芷珮特別多謝大仔喺背後嘅付出，令佢好放心去拍攝：「我會同大仔講要拍幾耐，佢就帶啲小朋友行吓，多數喺咖啡店、紀念品店度等我。大仔嗰陣已經15歲，非常獨立，可以睇得住啲小朋友，我好信得過佢。真係好多謝我大仔，冇咗佢做唔到呢件事...因為拍旅遊節目有好多突發事情發生，成日冇得去預定嘅旅遊景點。有時我夜晚做唔切資料搜集，或者拍完嘢已經好攰，就會叫大仔幫手搵料，睇吓有咩得意嘢。咁大個識上網啦，係時候要幫吓我手。」
(梁芷珮instagram圖片)
撰文：張芷晴
責任編輯：楊安莉