內地綜藝節目《中餐廳》第四季，由黃曉明繼續擔任店長，帶領藝人李浩菲﹑張亮﹑趙麗穎同林述巍喺船上開餐廳。節目開播話題多多，續黃曉明早前來回行二百幾級樓梯搞到溶妝變樣嚇親觀眾，內地人氣女星趙麗穎又因被網友捕捉到冇用公筷瘋狂摷餸，而惹來惡評，指責佢冇教養，要其他藝人食佢口水尾。「趙麗穎筷子」更一度成為微博熱門話題，網友剪輯唔少趙麗穎過往用筷子摷餸食嘅短片，指佢呢個壞習慣一直改唔到呀！
相關新聞：【同一個人？】黃曉明搬行李熱到溶妝「現真身」 網友嚇親認唔到：成塊面腫咗
{{hket:inline-image name="4b0c804aly1ghkuzguejaj21wt31pkjl.jpg"}}{{/hket:inline-image}}
（圖片：趙麗穎微博）
趙麗穎因接拍電視劇《花千骨》而爆紅（網上圖片）
《中餐廳》第四季播出之後，趙麗穎就被貼上「唔做嘢」、「偷懶」嘅標簽。唔少網友發現喺黃曉明、張亮等人於廚房內忙到不可開交嘅時候，極少趙麗穎嘅身影岀現幫手。佢又不時因為腰嘅舊患，加埋飲咗中藥要返房間休息，亦被影到過拍攝期間坐喺地下休息嘅畫面。有網友指趙麗穎啱啱生完小朋友開始做嘢，大家應該要體諒，但與此同時，亦有網友認為身為藝人，如果承受唔到拍攝節目嘅壓力，不如及早退出《中餐廳》。
（影片截圖）
趙麗穎唔用公筷摷餸（影片截圖）
黃曉明要食口水尾（影片截圖）
除咗偷懶，網友亦指趙麗穎喺節目經常黑口黑面，而且好少岀聲，有咩就收收埋埋，性格內向，唔太適合參加綜藝節目！
趙麗穎因腰痛要經常休息（微博圖片）
拍《知否？知否？應是綠肥紅瘦》時亦被影到摷餸（微博圖片）
或者係網上負評太多，黃曉明同張亮日前都係社交網為趙麗穎平反。
（微博圖片）
張亮解釋因食物切得太細，而且裝菜容器又深，先會顯得趙麗穎係咁摷餸。佢寫道：「這21天大家都很辛苦，也有壓力。我們相互幫助一起苦中作樂。當然，美食更不能少。有些菜是我們後廚把食材切的太小，稍微大塊兒一點的食材都被我們幾個大老爺們兒搶先吃了，裝菜容器又很深， 再加上菜品真的太好吃，所以大家都不舍得浪費！但是我們員工餐女士們比我們這些壯漢真的優雅多了。」至於黃曉明就話大家都是吃剩菜，找肉吃是大家每天的樂趣。
黃曉明為隊友解話（圖片：黃曉明微博）
撰文：羅慧怡
責任編輯：楊安莉