日前（19日）吳若希上載咗條instagram動態片段，出賣老公Alex瞓喺梳化嘅睡相，同時又影吓屋企隻狗同貓瞓覺時嘅可愛模樣，表示：「下雨天，是比較好睡」擺出撻開雙手嘅表情符號。就喺佢影緊老公同啲狗途中，佢間豪宅嘅內貌再次曝光。
(吳若希instagram動態截圖)
佢哋嘅豪宅位於元朗錦田，呢度唔只一層，因為吳若希曾經喺屋企嘅樓梯位影過相。
(吳若希instagram圖片)
其中有層係豪華大客廳，有L型大梳化，兩邊都係落地大玻璃。
(吳若希instagram圖片)
{{hket:inline-image name="17.jpg"}}{{/hket:inline-image}}
(吳若希instagram圖片)
{{hket:inline-image name="21.jpg"}}{{/hket:inline-image}}
(吳若希instagram圖片)
廳外就係露台，行出去會望到元朗近郊開揚山景同河景，令佢一家人喺屋企就感受到大自然之美。
(吳若希instagram圖片)
(吳若希instagram圖片)
想游水，豪宅天台就有私家泳池，早前吳若希曾經同囡囡Giselle影過泳照，惹嚟唔少網民羨慕。
(吳若希instagram圖片)
▼飯廳
(吳若希instagram圖片)
▼睡房
(吳若希instagram圖片)
佢哋住緊呢區住宅密度較低，似乎好偏僻，不過其實位置同元朗市中心一脈相連，搭小巴就可以出到去市中心，好方便。據悉，屋苑內其他類近單位市值接近2000萬港幣，估計佢哋嘅單位價值都不相上下。
(吳若希instagram圖片)
28歲嘅吳若希唔經唔覺已經加入樂壇10年，佢經常被傳同Hana菊梓喬爭做「星夢一姐」，但自從生咗囡囡，同年嫁畀澳門闊少Alex何兆鴻之後，佢話所有事都要以家庭為重。今年吳若希懷第二胎，佗B仔，終於湊成一個「好」字。
近日，吳若希喺社交平台上載多張大肚寫真相，並留言埋怨老公Alex好似道具咁。佢話老公要聽攝影師指揮，先知要同自己表現得再甜蜜啲。當時唔少網民留言為Alex抱不平，話咁小事都被吳若希公開數不是。
(吳若希instagram圖片)
(吳若希instagram圖片)
不過吳若希接受商業電台《1圈圈 星光背後》主持梁泰來訪問時，就指老公從冇介意被佢公開咁鬧，佢解釋呢啲只係佢哋嘅相處模式。除咗習慣鬧老公，吳若希仲自爆曾違背婚前承諾。佢話本來應承對老公「唔再掟嘢」，但對方有次打機打到凌晨，第日就撞車。最後好彩人冇事，惟佢依然好嬲，即時將老公部遊戲機掟爛。
其後吳若希嘅大肚寫真相再冇老公份，佢先後上載咗兩張孕照，感謝Bob嫂黃乙頤幫佢調配同準備好孕婦用嘅日用品。
(吳若希instagram圖片)
{{hket:inline-image name="24.jpg"}}{{/hket:inline-image}}
(吳若希instagram圖片)
另一張佢僅著胸圍、底褲上陣，留言表示：「人生最唔怕醜嘅時候，就係懷孕的時候。因為這280天的經歷，是在孕育一個生命。這個過程真的好奇怪，所以就算很肥美，我也很自豪自己像球一樣。」
{{hket:inline-image name="22.jpg"}}{{/hket:inline-image}}
(吳若希instagram圖片)
撰文：張芷晴
責任編輯：楊安莉