【平過大灣區樓】長洲村屋12萬買返嚟100萬賣 5年勁賺7倍升幅完勝市區樓

唔好以為買樓投資只能選擇港九新界，離島也有不少村屋極具升值潛力。土地註冊處資料顯示，長洲東堤新村R6座中層A室，早前以100萬元（港元，下同）易手，原業主5年前用12萬元買入，勁賺88萬。該單位以實用面積約350平方呎計，呎價約2,857元。

這宗成交是「刀仔鋸大樹」的最佳例子，原業主於2015年以超低價12萬元購入單位，雖有可能屬內部轉讓，但總之持貨5年後賣樓，帳面勁賺88萬元，期內升值7.3倍，雖然實際賺得唔算多，但升幅完勝幾乎全港所有物業。

{{hket:inline-image name="0821WLfeaturepage527.jpg"}}{{/hket:inline-image}}

▲長洲每年舉行太平清醮都吸引不少遊客到訪。

長洲東堤小築大家就聽得多，旁邊的東堤新村比較少人知。資料顯示，東堤新村樓齡約31年，有6幢村屋共72個單位。東堤新村再對上一宗成交，是R3座中層C室，6月以100萬元易手，原業主於2015年以88萬元購入，都是持貨5年，但只微賺12萬元離場。

由於東堤新村沒有海景，故造價落後於旁邊的東堤小築。土地註冊處資料顯示，東堤小築16座中層A室，實用面積350平方呎，今年6月以150萬元易手，呎價4,286元。原業主於2014年以65萬元購入，持貨約6年帳面獲利85萬元，升值1.3倍。150萬就可聽住海浪聲入睡，的確吸引，不過訓唔得著訓是另一回事，因根據凶宅網的資料，東堤小築有多達28個凶宅單位，這些單位沒有銀行會承造按揭。

{{hket:inline-image name="0821WLfeaturepage528.jpg"}}{{/hket:inline-image}}

▲東堤小築周邊環境空氣好，都有唔少租客願意租。

不計東堤小築這類「特色」村屋，實用面積350平方呎村屋單位比市區納米樓實用許多，夠兩個人住，周邊環境空氣好，只要接受到交通不便問題，都有唔少租客願意租。至於業主，由於村屋沒有管理費，如果以一般舊樓2蚊一呎管理費來計，每月又慳到一千幾百。

不過買賣村屋遠較一般私人樓複雜。最重要一定是查冊，村屋是否包車位、花園、天台，該類設施是否入契。另外，不是所有銀行都承做村屋按揭，如果該村屋有問題，甚至會拒批按揭，準買家要有一筆過找清的心理準備。不過，如果該村屋單位屬「身家清白」，樓齡亦唔算太舊，銀行批出村屋按揭時，按揭成數也可做到6成，甚至借按保做到最高8成半。

編輯：唐婉琦

接收全方位穩健財富管理資訊，請讚好「健康財富 Wealthy Life」Facebook：https://fb.com/Wealthylifehk/