琴晚（21日）《愛回家之開心速遞》講述根叔（劉丹飾演）同大龍生（羅樂林飾演）爭做業主立案法團主席。根叔信口開河，競選政綱提出要為大廈起地下會所，高小姐（甄詠珊飾演）等一班鄰居信以為真。事後甄詠珊相當入戲，喺社交平台問根叔：「我的地下健身室呢？」仲加咗個喊樣表情符號，好搞笑。
(《愛回家》電視截圖)
{{hket:inline-image name="12.jpg"}}{{/hket:inline-image}}
(《愛回家》電視截圖)
{{hket:inline-image name="13.jpg"}}{{/hket:inline-image}}
受到新冠肺炎影響，好多藝人少咗外出，寧願留喺屋企避「炎」，甄詠珊都唔例外，佢最近成日喺屋企換衫影靚相，次次性感上陣，例如有低胸通花短裙、露肩短裙、貼身背心裙等。相中嘅佢露出事業線，大曬白滑長腿，獲得唔少網民大讚：「原來可以好性感」、「完全唔似39歲」、「從來冇令我失望」、「長腿小姐」、「好索呀」。
(甄詠珊instagram圖片)
{{hket:inline-image name="17.jpg"}}{{/hket:inline-image}}
(甄詠珊instagram圖片)
(甄詠珊instagram圖片)
(甄詠珊instagram圖片)
{{hket:inline-image name="19.jpg"}}{{/hket:inline-image}}
(甄詠珊instagram圖片)
{{hket:inline-image name="20.jpg"}}{{/hket:inline-image}}
(甄詠珊instagram圖片)
甄詠珊初出道身形勻稱，曾經係女子組合Freeze成員嘅佢本身有舞蹈底子，跳開中國舞，難怪條腿咁纖瘦，咁筆直。但當加入TVB後，據知甄詠珊同李佳芯喺《誇世代》第一次合作，佢見到李佳芯好瘦，一隻手臂等於佢兩隻，令佢覺得非常自卑。為咗上鏡時再瘦啲，甄詠珊開始跟教練學打泰拳。佢曾接受傳媒訪問，大讚呢個運動消耗好多體力，減肥好有效：「我覺得超掂，學咗年幾頭個兩個月已經減咗成10磅。」不過甄詠珊指自己皮薄，當踢腳位置唔準，踢唔中，就好易搞到周身瘀傷。
▼偶爾有做瑜伽同行山
(甄詠珊instagram圖片)
(甄詠珊instagram截圖)
唔講唔知，原來甄詠珊平時好鍾意煮嘢食，又對養生好有興趣，曾經試過自行研發食療。例如佢之前試過辟榖食療，每次佢會進行為期3日，3日裡面只飲果汁、瓜類汁，清腸道，排走毒素，唔只瘦咗，皮膚都好啲。佢提醒大家，要比較留意西芹汁，因為佢本身血壓低，試過飲完頭暈，要飲另一款瓜果汁。佢仲話如果大家一旦進行呢個食療法，就要盡量留喺屋企忍口，唔去朋友嘅飯局，為免肚餓時頂唔順誘惑。
(甄詠珊instagram截圖)
平時甄詠珊飲食都好清淡，佢話多年前已開始食8成素食，令佢覺得整個人進入另一階段，鏡頭下嘅佢身材弗爆，連身邊嘅朋友都話佢清減咗。佢話食素好處多，例如深層睡眠多咗，個人更精神，連經痛都冇埋。佢強調坊間有人話食素會頭暈只係誤解，只要識食就唔會咁樣。
撰文：張芷晴
責任編輯：楊安莉