《女人必學100道菜》三姐蕭秀香聘用昔日舊老闆共度難關 感激兩女體諒乖乖學廚拒談丈夫

在節目《女人必學100道菜》中，三姐蕭秀香以女廚王身份，夥拍江美儀為大家一連5個星期示範100個菜式，近日政府因應疫情而採取「限聚令」及「晚上禁堂食令」，不少市民晚上都乖乖回家食飯，很多「無飯主婦」都決定跟節目學做家常菜。節目播出後，三姐人氣急升，節目組即時叫停原本每日網上食譜的發放，改為為三姐推出食譜書籍，等大家可以睇住學做廚神。近日三姐接受車淑梅電台節目《舊日的足跡》訪問，大談做女廚王的血淚史。

相關新聞：【女人必學100道菜】江美儀認失婚是強勢性格累事 三姐蕭秀香女廚神背後曾挫敗背人垂淚

{{hket:inline-image name="117809948_163643198678284_5363577636174596504_o.jpg"}}{{/hket:inline-image}}

(圖片：蕭秀香Facebook）

{{hket:inline-image name="118036433_163328792043058_5707785931650364439_n.jpg"}}{{/hket:inline-image}}

(圖片：蕭秀香Facebook）

{{hket:inline-image name="117109091_161115188931085_5504550762406153261_o.jpg"}}{{/hket:inline-image}}

(圖片：蕭秀香Facebook）

三姐在訪問中大讚拍檔江美儀心地不錯，只有偶然比較「大聲」，對於江美儀用40個番茄煮一個湯被網友指「離地」兼浪費，三姐透過車淑梅解釋說：「原意係用番茄唔使落水都整到湯，節目都有解釋，不過就冇播到出街，所以一定要講返，三姐話美儀有啲男仔性格，好善良和溫柔，祝福佢搵到幸福。」

三姐憶起自己打過好幾份工，美容、地產、司機等，其中她做司機時，跟「事頭婆」一見如故，大家不時會去下午茶傾偈，她說：「佢哋根本唔當我係司機，好似家人咁樣，有日佢遲咗畀我放工，打賞我500蚊，有時打麻雀唔夠腳，又會叫我幫手打吓咁。（咁點解會走？）走係因為當時我要結婚，大家都唔捨得。」三姐直言跟當時的這位老闆相當有緣份，她說：「雖然當年佢係我僱主，但到今時今日有個短時間，我係佢僱主，因為佢家人離世，一個人咁悶，我叫佢嚟我度，幫下我手睇頭睇尾，相反，我都唔當佢係夥計，大家感情好好，同佢有個緣份，大家都好鍾意大家。」

相關新聞：《女人必學100道菜》江美儀教用40個番茄煮茄牛湯 網友直指離地：「有啲浪費」

{{hket:inline-image name="117300431_161115168931087_3724582915917118862_o.jpg"}}{{/hket:inline-image}}

(圖片：蕭秀香Facebook）

三姐是義氣仔女，她的食店經歷過沙士疫情，當時生意大受打擊，她說：「當年夥計好好，自動調節咁輪流返工，但我點都要出糧，我做過打工仔，絕對唔鍾意老闆拖糧，後來（財政）發現窄窄地，預早放咗阿媽畀我層樓，結果有錢繼續出糧畀大家，繼續捱過。」直至今次新冠肺炎疫情，夥計們體諒到老闆娘的吃力，他們都自願減少工作，希望減輕三姐在出糧方面的負擔。

{{hket:inline-image name="117772893_163328875376383_434189468031263037_o.jpg"}}{{/hket:inline-image}}

(圖片：蕭秀香Facebook）

對於自己的家庭，三姐一向甚少提及，車淑梅問到兩個女兒，三姐說：「佢哋會覺得我辛苦，兩個好有孝心，如果有時太忙，唔得閒返去煮飯佢哋食，或者唔得閒返去做節，佢哋會體諒。小時候會埋怨點解冇得同我食飯、去麥當奴或者迪士尼，依家長大喇，佢哋話以後都唔會埋怨，因為知道媽咪真係好辛苦，最近兩年，佢哋都願意跟我學廚。（咁三姐夫又如何呢？）屋企嘢唔好講咁多啦！」

最後，三姐透過大氣電波用口述教大家煮「香蔥蛋中蛋」，首先用大約8隻雞蛋，抽取其中3至4隻的蛋白，開火煎香，再切成絲，其餘雞蛋在鑊上面整穿蛋黃，用慢火煮成琉璃狀，加入蛋白碎和香蔥，就成為簡單而又不平凡的蛋中蛋。

責任編輯：楊安莉