TVB新劇《兒科醫生》已經開拍，劇中演員造型同醫院嘅廠景曝光。相隔一段時間，鍾嘉欣終於從加拿大返港主演TVB劇集，仲換上短髮新造型，好多網民都話好期待佢嘅演出。日前鍾嘉欣接受TVB娛樂新聞台訪問，親揭回歸原因，又大爆自己為咗對仔女曾經喺圍讀時落淚。
(TVB娛樂新聞台電視截圖)
(TVB娛樂新聞台電視截圖)
(TVB娛樂新聞台電視截圖)
鍾嘉欣稱上次拍《再創世紀》只係客串咗10日，今次相隔多年終於可以主演劇集：「真係冇諗過咁快返嚟呢度拍劇，我以為啲仔女大咗之後先會返嚟。」被問到係咩驅使佢回歸拍劇，佢解釋身為媽媽嘅佢被兒童醫院嘅題材吸引，但最重要都係同兩個男人有關：「我覺得拍呢套劇有份使命感，希望可以帶到正面訊息出去。同埋我好想好想同鄭嘉穎、馬國明拍劇，曾經喺一啲訪問度我都有講過，今次兩個都有。」
(TVB娛樂新聞台電視截圖)
另外，鍾嘉欣表示本來打算今個月安排4歲囡囡Kelly同1歲多囝囝Jared來港同佢團聚，但由於新冠肺炎疫情仍然蔓延，佢打消念頭，被迫同仔女分隔兩地。佢自爆成日因為掛住仔女而情緒低落，早前甚至曾經喺圍讀時失控落淚，嚇親新演員：「平日我有個特定時間去同仔女視像通話，但有日我突然要開工，同大家圍讀，結果當日無機會玩視像，心情有少少失落。去到圍讀嘅時候，我拿咗囡囡啲相畀周家怡同馬國明睇，突然間我就喊。對面啲新人、未合作過嘅演員都問：『咩事呀？』我話：『唔好話畀人知呀！』」
(鍾嘉欣instagram圖片)
(鍾嘉欣instagram圖片)
鍾嘉欣補充：「其實久唔久我會有呢種失落嘅情況出現，因為依家疫情下有好多嘢都估計唔到，原先諗住仔女飛過嚟同我一齊，但依家應該要要分隔4個月。真係辛苦老公，雖然我哋請咗一個人幫手，亦有好多屋企人幫手，但始終冇媽媽喺大廳，係另外一回事。」
(TVB娛樂新聞台電視截圖)
終於回歸娘家，鍾嘉欣諗住放低戒心，點知琴晚喺《娛樂大家》最新一集就被大家圍攻。事緣鍾嘉欣唔可以講「煮嘢食辣親(被燙傷)」，陸浩明率先問鍾嘉欣下廚有冇試過整親，鍾嘉欣洞悉到佢發問嘅用意：「你望我啲眼神有啲恐怖」但仍坦言試過喺生日派對整親隻手。「波波」黃凱儀、林穎彤、方力申聽到鍾嘉欣咁講，即刻問點解，鍾嘉欣嚇到半掩臉：「點解個個望住我」後來連其他人都齊齊問鍾嘉欣:「點解嘅？」鍾嘉欣一臉無助咁講咗句：「人生真係好多事發生..」嚟耍走大家，等其他人轉移目標。
(《娛樂大家》電視截圖)
{{hket:inline-image name="14.jpg"}}{{/hket:inline-image}}
(《娛樂大家》電視截圖)
{{hket:inline-image name="15.jpg"}}{{/hket:inline-image}}
(《娛樂大家》電視截圖)
撰文：張芷晴
責任編輯：楊安莉