【模範夫婦】陳松伶同老公張鐸相差8年唔係問題 七夕拍片分享姊弟戀相處之道

今日係農曆7月7日，即係七夕。人前人後都咁甜蜜嘅陳松伶同佢老公張鐸, 喺直播平台抖音上載咗新短片，同大家分享愛情觀。

49歲嘅陳松伶大過張鐸8年，佢認為年齡只係數字，只要大家識得互補就能維繫感情：「我覺得年齡只是一個符號，最重要我覺得，大家是一個齒輪的關係，一長一短，然後大家都可以互補，就像一個齒輪，不斷的向前走。他除了是我的丈夫，還是我的好老師、好家長。」張鐸都好認同：「而且我一直覺得，我老婆這個出生年月可能寫錯了，我的也寫錯了。」

{{hket:inline-image name="18.png"}}{{/hket:inline-image}}

(陳松伶抖音影片截圖)

{{hket:inline-image name="17.png"}}{{/hket:inline-image}}

(陳松伶抖音影片截圖)

佢哋又向大家分享擇偶時要注意嘅事項，張鐸條件非常嚴格：「女孩子注意一點，如果這個男的一個月能賺一萬塊錢，他要是連5000塊錢都沒給你花，你就別跟他好。」

{{hket:inline-image name="16.png"}}{{/hket:inline-image}}

(陳松伶抖音影片截圖)

陳松伶聽完即刻皺眉，佢話自己冇諗咁多：「外貌協會我肯定不是，因為呢...」佢未講完，張鐸就擺起chok樣並插咀：「不是嗎？」最後陳松伶適逢七夕許咗個願：「我希望我這位好朋友（張鐸）身體健康，然後也希望父母也身體健康，所有人幸福快樂。」

{{hket:inline-image name="15.png"}}{{/hket:inline-image}}

(陳松伶抖音影片截圖)

雖然短片只有1分鐘，但喺細微處已經見到佢哋兩個好愛彼此。例如每次陳松伶講嘢，張鐸都會低頭用心聆聽，尊重佢。到張鐸發言，陳松伶就會望住張鐸甜笑，一臉陶醉，仲不時挨住佢膊頭撒嬌，隔住熒幕都感受到佢哋之間濃濃嘅愛意。有網民都話佢哋好幸福，但更多網民將焦點放咗喺陳松伶個樣，紛紛留言：「一點陳松伶的樣子都沒有了，好像另一個人」、「怎麼完全變了樣？」、「不介紹認不出來」、「看半天才知道是陳松伶」、「變化太大，不認識了」另外有網民為陳松伶護航：「保持這樣已經很不錯」、「年齡大了，皮膚鬆弛很正常」

{{hket:inline-image name="14.png"}}{{/hket:inline-image}}

(陳松伶抖音影片截圖)

其實除咗呢條片，陳松伶平時都有同張鐸拍片放閃。有次張鐸問陳松伶佢喺某部劇集演過咩角色，陳松伶答錯晒，張鐸一臉失望，不過好快就收拾心情：「沒看過我的戲，我也不生氣。」張鐸又問佢同過咁多男演員合作，最鍾意邊個? 陳松伶話：「就是沒有你。」張鐸竟然答：「沒有我，我也不傷心，不管你怎樣看我，我看你都是最美的。」喺哈爾濱出世嘅張鐸仲曾經挑戰講廣東話急口令，輸咗要侍候陳松伶一日，結果佢真係輸咗，要幫陳松伶按摩、餵佢食嘢等，好搞笑。張鐸咁識氹老婆開心，唔怪得佢哋結咗婚9年依然咁甜蜜啦。

{{hket:inline-image name="12.png"}}{{/hket:inline-image}}

(陳松伶抖音影片截圖)

{{hket:inline-image name="13.png"}}{{/hket:inline-image}}

(陳松伶抖音影片截圖)

{{hket:inline-image name="11.png"}}{{/hket:inline-image}}

(陳松伶抖音影片截圖)

撰文：張芷晴
責任編輯：楊安莉