相信不少人都曾把相似的食材搞混。有人妻分享,指去年懷孕期間,奶奶為她煮腐竹糖水助「清胎毒」,惟對方僅以20分鐘就煲好,令她大感疑惑;未幾,她得悉對方以「枝竹」代替「腐竹」的真相後大感惹笑,惟她和丈夫最後仍努力吃完。對此,她不禁笑言:「好掛住阿媽你煮嘅腐竹糖水。」
女網民「頂硬上新抱」上周一(17日)以「好靚嘅枝竹糖水」為題,向Facebook專頁「Day Day Explode 日日爆」投稿,表示自己去年懷胎8月期間,聽聞吃腐竹糖水有助「清胎毒」;她本身喜愛其母所煮的腐竹糖水,而所認知的腐竹糖水均為「煮到溶晒」的狀態。
【暗黑料理】妻子外傭不在家 地獄廚神港爸炮製「橙飯」做午餐 3歲女兒反應是...詳情即睇:【下一頁】
貼心奶奶20分鐘煮好「腐竹糖水」
事主續指,之後有一天晚上約10時半,她下班後準備回家,期間接到其丈夫來電,詢問她「食唔食腐竹糖水」,「如果食,奶奶依家煲畀我食」。事主當下沒想太多,馬上答好,惟收線後即感疑惑:
「我搭車返到去只係15至20分鐘嘅事,煲得切咩?」
驚見「腐竹糖水」變枝竹溝糖水
事主強調當時自己「無再諗咁多」,至回到家中,她在房內突然聽到其夫大喊「嘩」一聲,表示「個腐竹糖水真係腐竹還腐竹、水還水喎」。事主聞言走出飯廳一望,看到桌上那碗「腐竹糖水」,頓時明白奶奶之所以能「快速」煮好糖水,是因為以「枝竹」代替了「腐竹」。
事主奶奶以「枝竹」代替「腐竹」煮成「腐竹糖水」。(「Day Day Explode 日日爆」Facebook)
儘管奶奶煮的「腐竹糖水」未如心中所想,惟事主認為始終是對方一番好意,遂表示「我點都會飲」;加上其夫願「捱義氣」一起吃,形容「有人陪都好過獨力承受」,
「一路飲緊啲好甜嘅水,再加啲好好咬口嘅枝竹,個腦真係浮現羊腩煲個樣出嚟。」
期間,事主奶奶嘗試解釋,指家中沒有「腐竹」,惟有以「枝竹」頂替,更形容「啲枝竹好靚㗎,喺元朗買出嚟」。事主表示:
「嗰刻好想講,幾靚嘅嘢但用喺唔啱嘅地方度,幾靚都係錯。」
惟作為後輩的事主未有宣之於口,僅偷偷拍照後繼續默默低頭「好努力飲晒佢」,
「再Send張相同阿媽講,好掛住阿媽你煮嘅腐竹糖水。」
懷念「媽咪牌」腐竹糖水
數天後,事主奶奶再次問她「飲唔飲腐竹糖水」,更強調「今次有買腐竹」,事主聞言決定「畀多次機會佢」,但製成品依然不是她所認知的「溶晒」的狀態。不過,其友人卻指那是「潮州Style」的腐竹糖水,事主不禁笑言:
「好啦,我都係比較鍾意『媽咪牌』腐竹糖水。」
專頁版主看到帖文後,不禁表示:「我以前都買錯過、煲錯過,以為係同一樣嘢」;亦有網民留言笑言:「下次不如用響鈴」、「留名等睇『山根波波』嘅出現」、「大家都係『竹』,不要分得那麼細」。另有網民分享自己的經歷,「我以前大肚,我老公話煲蕃薯糖水畀我收工飲,我真係勁開心,結果飲飲吓覺得唔對路,原來係薯仔,我哋笑咗好耐,但係我真心覺得Sweet」。
【料理背後】港女生自嘲常煮「暗黑料理」 剖白兒時經歷致成「地獄廚神」詳情即睇:【下一頁】
內容獲Facebook專頁「Day Day Explode 日日爆」及事主授權刊登。
每朝索取《晴報》:精明生活.健康家庭.開心娛樂
撰文:蘇麗儀