【娛樂圈筍盤】余德丞拍片整嘢食唔識用微波爐？ 富二代名校出身 家住2000萬豪宅

受到新冠肺炎疫情影響，唔少人都留喺屋企抗疫，Dickson余德丞都係，於是日前佢搞搞新意思，喺個人YouTube頻道上載新片，教人買微波爐食物——水煮牛肉、麻辣雞煲，期間意外將家中內貌曝光。

余德丞話見到好多人下廚會用到氣炸鍋、焗爐，佢都想煮，但佢真係唔識煮，所以先諗到介紹微波爐食物:「我決定，處男下海，買嚟試吓！」條片一開始，佢就揸住靚車由港島過海去油塘買食材。

{{hket:inline-image name="11.png"}}{{/hket:inline-image}}

(余德丞YouTube影片截圖)

買到返屋企，從來未接觸過微波爐食物嘅佢對包麻辣雞無從入手，佢馬上向朋友求助：「膠袋開孔...係咩玩法？我唔知呀，我從來都未食過，會唔會搞到廚房爆炸？」後來佢繼續請教朋友，但佢仍然都好擔心微波爐會爆炸。

{{hket:inline-image name="12.png"}}{{/hket:inline-image}}

(余德丞YouTube影片截圖)

過咗一陣，余德丞終成功剪開包裝，再擺包雞入微波爐，唔夠一秒佢突然大叫：「哎呀！唔好呀！點解（微波爐）開始咗嘅？」朋友見狀即刻出言嘲諷：「我好肯定你未用過微波爐！」最後余德丞成功整熟食物，拎住包雞，笑得非常開心：「第一次叮嘢食！」

{{hket:inline-image name="13.png"}}{{/hket:inline-image}}

(余德丞YouTube影片截圖)

{{hket:inline-image name="14.png"}}{{/hket:inline-image}}

(余德丞YouTube影片截圖)

{{hket:inline-image name="15.png"}}{{/hket:inline-image}}

(余德丞YouTube影片截圖)

唔少網民睇完紛紛留言指佢離地：「傳說中的港男」、「TVB個個都咁離地」等，不過余德丞就解釋：「我重申，微波爐我係識用嘅，係平時比較喜歡叫外賣同食杯麵，所以比較少用啫。有時，我都會用嚟叮翻熱啲湯。」佢仲話條片係自家製，由拍攝、剪接、聲效、配樂、撰稿、編輯、打字幕等都係得佢同幾個朋友做：「自問自己做得唔夠好，希望有朝一日我都可以做到咁嘅水準。你地每一次嘅點擊，就係我哋嘅動力，有機會嘅可以叫多啲朋友訂閱和讚好，感謝支持！」

現年30歲嘅余德丞高大有型、仲係傳統名校香港華仁書院出身，曾經係香港游泳代表隊成員，奪得全港大專游泳比賽男女子全場總冠軍。唔單只咁，原來佢仲係一名富二代，家境富裕。據知余德丞爸爸從事物流生意，余德丞家住市值約2000萬港幣嘅跑馬地嘉園千呎單位，同郭富城為鄰，從新片中就可以見佢屋企嘅大客廳，擺得落兩張大梳化。而余德丞媽媽亦擁有海怡半島近千萬單位，有指家人物業合共市值近億港元。

{{hket:inline-image name="16.png"}}{{/hket:inline-image}}

(余德丞YouTube影片截圖)

余德丞異性緣好旺，曾先後麥明詩、劉穎鏇、蔡思貝傳出緋聞，被外界稱呼為「港姐收割機」。不過余德丞話同佢哋只係好朋友，目前係單身，仲話對運動型、鍾意食嘢、短頭髮嘅女仔有興趣，大家快啲把握機會！

{{hket:inline-image name="17.png"}}{{/hket:inline-image}}

(余德丞instagram圖片)

{{hket:inline-image name="18.png"}}{{/hket:inline-image}}

(劉穎鏇；余德丞instagram圖片)

{{hket:inline-image name="19.png"}}{{/hket:inline-image}}

(余德丞instagram圖片)

撰文：張芷晴
責任編輯：楊安莉