年底前播《使徒行者3》 深宵重溫首輯止癮 林峯粉絲︰爆Seed返嚟喇

無綫深宵煲劇時段將於本周五重播《使徒行者2》大結局，緊接卻會倒轉推出《使徒行者》。此舉原來別有用心，皆因林峯回巢無綫新劇《使徒行者3》預計11月初推出，各界也期待爆Seed（林峯飾）comeback，亦好想重溫爆Seed與釘姐（佘詩曼飾）的生死之戀。

14年首播的《使徒行者》由林峯、佘詩曼及許紹雄等主演，該劇當年掀起全城追尋卧底熱潮，加上爆Seed（薛家強）、釘姐（丁小嘉）一段賺人熱淚的感情綫，令該劇成為當年收視冠軍。佘詩曼更憑釘姐一角勇奪視后，林峯亦本屬視帝大熱，可惜最後成為《忠奸人》郭晉安的手下敗將，林峯其後更離開TVB轉為北上發展。

不過，去年林峯宣布重返娘家拍劇兼成為星夢娛樂歌手，去年八月已開始拍攝《使徒3》，今年隨時以「爆Seed」角色一雪前恥，與《殺手》陳豪力爭視帝。雖然《使徒3》欠缺了好拍檔佘詩曼，但林峯與馬國明繼08年的《少年四大名捕》後兄弟重逢，更與《反黑路人甲》的蔣家「三妹」林宣妤擦出愛火花，相信有一定睇頭。

「黑化」馬明嗌過癮

近日有傳《使徒3》將成為11月台慶劇，緊接陳展鵬的《唐人街》推出。由於現在深宵重播的《使徒2》屬前傳，而《使徒3》的時序是跟隨《使徒行者》，今次無綫的巧妙安排，絕對是用心良苦。有份加入《使徒3》的馬國明昨晚接受本報訪問，他直言未知第三輯何時推出︰「我無所謂！幾時播都係等公司安排，有需要宣傳時就會通知我！（首度演奸角？）我從未喺一齣劇做過呢一類角色（亦正亦邪），自己都覺得幾好玩，有新鮮感，希望觀眾都鍾意！」

撰文︰Steven

編輯︰陳禮恒

美術︰Simon