【54歲身形弗到漏】李若彤指當年志願係做老師 教人講流利英文被網民大讚好聽

被稱為「最美小龍女」嘅李若彤一向愛做健身，咁多年來都有好身形。早前佢喺社交平台「小紅書」罕有自爆真實年齡已經有54歲，好多網民紛紛表示訝異，留言讚佢年過半百仲咁靚，令人羨慕。日前（24日），李若彤拍片教大家講英文嘅獨門小技巧，只係講咗幾句英文，就被唔少網民讚講得好流利、好好聽，被形容係美貌與智慧並重嘅女星。

李若彤喺「小紅書」撰文道：「經常被記者問起：『如果沒有做演員你會從事什麼職業？』我想應該是老師。今天不是教大家健身，而是分享我學習英語的小技巧，我也是用這個方法教我的外甥女。」影片一開始，李若彤就「老師」上身，自稱做Miss Lee:「英語小課堂開課了」佢話自己學普通話遇到比較難嘅字詞時就會係用呢方法，就係合埋對眼，叫人哋喺自己耳邊讀拼音，佢聽完跟住讀一次，就住就可以即刻講得到，佢話覺得呢個方法可以比較容易掌握點讀拼音。

{{hket:inline-image name="17.jpg"}}{{/hket:inline-image}}

(李若彤小紅書影片截圖)

李若彤認為學英文都係一樣，當發唔到音嘅時候，試吓合眼聽人講，細心留意英文字由幾多個音節組成，多練習幾次就可以記到。期間李若彤指住鏡頭，叫網民跟住佢講，真係有幾分老師嘅風範。另外佢認為讀英文好似唱歌咁，要注意高低抑揚，就會講得好聽。最後佢拎出長間尺打自己手板，提醒大家講英文要有自信，多練習：「大家要好好學習，好好練習，否則...下次不見！」

(撳入網址睇完整影片)

{{hket:inline-image name="18.jpg"}}{{/hket:inline-image}}

(李若彤小紅書影片截圖)

{{hket:inline-image name="19.jpg"}}{{/hket:inline-image}}

(李若彤小紅書影片截圖)

唔少網民大讚佢教導嘅方法好好：「謝謝，學習到」、「李老師，作業交到哪兒？」、「很實用，可以分享多點嗎？」亦有人讚佢講解得清晰易明：「姑姑很積極很認真，真心在做學習分享」、「把枯燥無味的英語變有趣了」另外好多網民都讚李若彤英文流利：「說英語好好聽」、「英語說得比普通話好」、「發音很標準」

其實李若彤從小一直名列前茅，係眾人眼中品學兼優嘅好學生，老師對佢亦充滿期望，可是佢升上預科後感到難以適應，結果喺考試中失手。佢唔敢面對自己，於是毅然輟學離開沙田蘇浙公學，放棄學業，投考空姐。早前李若彤曾經喺有線電視節目《放學後》擔任嘉賓，節目中佢多次感觸落淚，指當年有感愧對老師嘅栽培同期望，所以多年來唔敢返母校。後來校長、老師退休，令佢好後悔自己冇及早返去。直到要拍節目，佢終於返去離開咗超過30年嘅母校，重遇當年班主任，成功釋懷。

{{hket:inline-image name="16.jpg"}}{{/hket:inline-image}}

(《放學後》電視截圖)

{{hket:inline-image name="13.jpg"}}{{/hket:inline-image}}

(《放學後》電視截圖)

{{hket:inline-image name="14.jpg"}}{{/hket:inline-image}}

(《放學後》電視截圖)

{{hket:inline-image name="11.jpg"}}{{/hket:inline-image}}

(《放學後》電視截圖)

{{hket:inline-image name="15.jpg"}}{{/hket:inline-image}}

(《放學後》電視截圖)

撰文：張芷晴
責任編輯：楊安莉