【哲理大師】黎明親解「如何不空肚食早餐」 忠告為家人未雨綢繆再爆新金句

現年53歲嘅黎明（Leon）日前推出新歌《存入愛》，歌曲旋律温暖，歌詞細膩，充滿對家庭的愛意，表達出不論遇到什麼困難，只要有家庭的扶持，任何風雨都可以捱過。

{{hket:inline-image name="citigo.jpg"}}{{/hket:inline-image}}

（大會提供）

黎明再度同Citibank合作並推出主題曲《存入愛》，今次嘅Project 有「哲理大師」之稱嘅Leon更參與埋創作，構思出以煮早餐比喻為家庭嘅愛：「早餐係一日嘅開始，每日為家人準備豐富嘅早餐，為家人們注入每日嘅能量。有好嘅早餐就是成功的一半，好比理財規劃，只要預早策劃，人生先會有更多選擇，我哋先可以穩中求富。但食早餐前，記得先飲一杯暖水，咁就不會空肚食早餐。」為大家親身破解多年「唔會空肚食早餐」之謎。

{{hket:inline-image name="Ci.jpg"}}{{/hket:inline-image}}

（大會提供）

Leon特別選擇咗煮蛋為是次早餐主題：「煮蛋，是我其中一樣獨門絕技，亦都是我唯一嘅獨門絕技。而煮蛋有好多不同嘅方法，例如好多人都喜愛的sunny side-up（太陽蛋），賣相好，味道好，每早見到這款早餐都會份外精神，但世界没有永遠的Sunny Side Up，只要我們保持Positive，就每朝都可以為自己、為家人存入愛，作出最好的保障。」

{{hket:inline-image name="unnamed.jpg"}}{{/hket:inline-image}}

Leon囡囡不經不覺都兩歲喇，相信Leon為囡囡嘅將來都做咗唔少準備！（Leon Facebook）

除咗煮蛋，Leon更以蛋為比喻，分享更多人生哲理：「蛋有好多種烹調方式，但打開雞蛋殻時，就好似我哋突破人生框架一樣，眼界擴闊，想法自然會多，眼界邊個較好，講得出嘅就算係炫耀。我哋作為地球人，人生有限，我哋要行多點，學多點，有人話『諗飽佢』，但諗係唔會飽，做先有機會飽，先有機會成功。話唔定將來已經有宇宙人嘅槪念，及早為自己嘅人生作規劃，即使將來再變都會有所保障。」簡單一個以蛋為主題的早餐，Leon都可以創作出規劃人生的金句。