【聲明】港生活網站並無進行電話推廣活動

與網民罵戰? 港姐廖慧儀︰唔知點解被攻擊

發佈時間: 2020/08/27

今屆港姐十強昨日齊集電視城,在星級排舞師Sunny Wong指點下排舞。當中以有舞蹈底子的大熱②陳楨怡及④郭柏妍表現最好,其他佳麗舞姿則略為生硬。至於風頭躉⑥廖慧儀被指在IG與網民開戰,她解釋說︰「我唔知點解被人攻擊,但我無反擊,有人不停留言惡意批評,我只係回覆叫對方『加油』。」提到男友留言反擊網民?她說︰「我都叫男友唔使講咁多,但佢忍唔住。」至於她留言叫網民「讀多啲書」,她解釋︰「我意思係可能有啲唔係香港人,佢哋寫嘅中文我睇唔明,所以善意叫佢哋學多啲字。」擔心得罪網民影響投票?她表示︰「我唔會太擔心,因為憎我嘅人,就算我做乜佢哋都唔會鍾意。」

同場的陳楨怡及郭柏妍笑言,不擔心決賽當晚「發台瘟」忘記舞步,陳楨怡說︰「我哋企喺隔籬,如果真係唔記得,到時都會互相提醒。」至於早前「拗柴」受傷的⑧謝嘉怡,表示傷勢已好轉,希望不會影響比賽;適逢昨天是她的25歲生日,謝嘉怡笑言想以奪冠作為禮物。

採訪︰Pauline

攝影︰林良明

與網民罵戰? 港姐廖慧儀︰唔知點解被攻擊

廖慧儀不擔心負面新聞影響奪冠機會。