大熱處境劇《愛回家》中的「賈名媛」邱芷微（Chelffy）近日在社交網上傳雙手包紮紗布的照片，原來她近來身體接連岀現病痛，更曾試過一隻手動彈不得，令她相當擔心：「如果有一日我起身全身郁唔到我會點算。一諗到可能需要長期要人照顧自己已經係一個負累，我唔想咁樣。」
相關新聞：《愛回家》賈名媛吐苦水做主持被人蝦爆喊 網友挖出當事人係蔡康年
邱芷微在《愛回家》演出「賈名媛」讓人記憶深刻(圖片：影片截圖)
(圖片：影片截圖)
昨日邱芷微再上傳自己等待看醫生的照片，並自爆因免疫系統失調，患上類風濕性關節炎：「知道自己有呢個病嘅時候我都10萬個問號『吓咁後生都有？』，我真係有啲震驚，因為呢個病正式係冇得醫嘅，只能夠用適當的藥物及適當的治療去減慢及停止其發作。」
（圖片：邱芷微IG)
邱芷微近期好多病痛，先是有牙齒問題而引發的鼻竇炎，然後雙手因為長期過度勞損，引發筋腱問題。她接受《晴報》訪問時表示：「啲骨會痛，唔係一隻手嘅手指咁簡單，係對稱，兩邊手都有咁嘅問題，之後醫生建議我做磁力共振同埋驗血，就發現咗呢個病。」
最近經常看醫生（圖片：邱芷微IG)
幸好及早發現，所以醫生稱有得醫，亦有機會斷尾，邱芷微又感恩遇上幾位很好的醫生：「好多嘢突然間呢兩個月發生，亦都好彩遇到幾位好好的醫生，我的骨科醫生亦建議我唔好食西藥，因此轉介我去睇中醫治療。」
（圖片：邱芷微IG)
因為身體健康出現問題，令她對人生有新的看法，接下來工作之外就要多休息。邱芷微說：「有健康先至可以走更遠的路，現在除咗工作以外健康係會排到最前！嚟緊嘅日子我會開始重整自己的生活，重新出發，有啲嘢唔係自私，亦冇好可惜，因為人生及生命係自己嘅，應該要更加愛自己。」
（圖片：邱芷微IG)
（圖片：邱芷微IG)
邱芷微在訪問中表示骨科醫生稱她的病屬於初期，因此不建議服用類固醇和消炎藥，反而建議她看中醫調理免疫系統：「中醫師幫我設計咗一個八個月嘅療程，每星期針灸兩次，同埋要食中藥，如果唔使工作就要11點半瞓，另外要戒口，煎炸熱氣同埋酸辣食物都唔可以再食。」她又表示：「平時要放鬆心情，唔好過於操勞，因為壓力情緒都會好影響呢啲病發作，保持心境開朗好重要。」
（圖片：邱芷微IG)
撰文：羅慧怡