吳業坤決心遠離緋聞

吳業坤早前接受《StarTalk》主播許文軒訪問，提到新歌《原始心態》製作認真，坤哥自爆：「試過一句歌詞錄咗一個鐘，搞到我有少少覺得自己唔識唱歌。」原來他當年完成首個紅館個唱，信心曾出現動搖，他說︰「當時支持者少咗，（網上）view數又少咗，好似做咩都錯，打錯字又話我扮嘢，成日畀人捉錯處，搞到自己好驚，少咗玩社交平台，寧願唔做唔錯，慢慢收埋自己，但其實咁樣行唔通，應該要學識唔使咁介懷。」

談到入行十年緋聞多多，連前輩級薛家燕和馬海倫都成為他的緋聞對象，坤哥否認漁翁撒網，他表示：「同前輩有啲千絲萬縷係開心，因為佢哋好好，好玩得，我以前唔避忌，留個言，訪問講過一句就惹緋聞，依家我下定決心唔好再有緋聞出現，因為真係好煩同驚咗！」