被人稱「最美妲己」嘅溫碧霞如今已經52歲，多年來佢依然保持少女身材，皮膚緊緻白滑，唔少網民相當羨慕。近日，佢喺社交平台「小紅書」向大家分享多年運動瘦身嘅心得，以及美容護膚嘅秘訣。
片段一開始，溫碧霞就著粉紅色低胸露腰嘅sport bra，盤坐喺瑜伽墊。佢坦言好鍾意做瑜伽，已經做咗超過10年。佢認為瑜伽係個好健康嘅運動，令身體狀態變得更年輕：「好處簡直多不勝數，無論你是男是女都一樣，想要變健康，想好看，想要改善自己生活的，瑜伽都可以帶給你意想不到的改變。」
(溫碧霞小紅書影片截圖)
跟住溫碧霞一邊示範做瑜伽，一邊分享。佢話每次做完拉筋動作後，感覺成個人嘅身材同線條變得愈來愈靚。佢指住手臂，笑言連「拜拜肉」都冇咗：「這些都是我做瑜伽多年練回來的。雖說瑜伽的運動量看起來沒有很大，練起來也不像重量負荷運動成效那麽快，但瑜伽講究的最終是身和心的修行和洗滌，靠著不同難度的動作去改善體態。」
(溫碧霞小紅書影片截圖)
(溫碧霞小紅書影片截圖)
另外，溫碧霞又指瑜伽係有保健作用：「比如身體有哪兒不舒服，做完可以令你放鬆很多。」最後佢指瑜伽有個冥想動作，佢認為呢個動作令自己夜晚瞓得特別好：「以冥想去培養你的內在，從而以內到外的改善你的心身狀態。」
(溫碧霞小紅書影片截圖)
(溫碧霞小紅書影片截圖)
【幸福人妻】溫碧霞何祖光結婚20年恩愛如昔 二千呎海景豪宅曝光 似足外國Villa 詳情即睇【下一頁】
講完點樣保持好身形，咁臉部又點樣保持年輕？好多人認為愈名貴嘅護膚品就愈有用，不過溫碧霞自爆咁多年經驗話畀佢聽，護膚係唔需要花好多錢，佢自己就係靠幾蚊都唔使嘅「平民私藏秘方」去做護膚。佢話呢個秘方係一個護士朋友教佢，就係雞蛋裡面嘅生蛋白，佢指生蛋白好處多：「生蛋白蘊含美白功效，可以有效緊緻皮膚、控油、縮小毛孔、嫩膚、清熱解毒、消炎、保護皮膚和增強皮膚免疫功能的作用。」
(溫碧霞小紅書影片截圖)
溫碧霞表示只要將蛋白同蛋黃分開後，將蛋白直接塗喺臉就可以。跟住喺額頭、雙頰、頸部打圈按摩，下巴用上推方式按摩，做法好簡單。佢提醒網民，敷臉時間大概10-20分鐘，敷完就要用清水洗乾淨，唔可以太耐，因為生蛋白吸水力高，敷太耐會搞到皮膚好乾，會有反效果。至於乾性肌同敏感肌就唔可以用雞蛋清敷臉，否則只會乾上加乾。佢建議油性肌膚嘅人早晚敷會比較好，可以加上按摩膏，或者精華液敷臉。
(溫碧霞小紅書影片截圖)
{{hket:inline-image name="19.png"}}{{/hket:inline-image}}
(溫碧霞小紅書影片截圖)
{{hket:inline-image name="20.png"}}{{/hket:inline-image}}
(溫碧霞小紅書影片截圖)
撰文：張芷晴
責任編輯：楊安莉