鄭伊健和音樂監製好友陳光榮, 接受楊紹鴻和江美儀的電台節目《一起走過》訪問，原來鄭伊健早於初入行已經認識楊紹鴻，當時楊紹鴻是導演，給予伊健不少的演出機會。伊健笑言：「其實新秀歌唱比賽輸咗之後，我參加過為期半年嘅武打藝員進修班，可惜畢唔到業，淨係學咗個後空翻。直至再有第13期藝員訓練班，我先再入去讀，同學係李家聲同吳婉芳等等。畢業後畀好多機會我哋，演路人甲乙丙丁戊，有次拍緊《朱元璋》，叫我去珠海拍，當時做二打六冇嘢做就叫我哋學騎馬，印象中冇對白呀，好似我要跌落馬『瓜』咗，然後都要草地瞓咗半日。」
鄭伊健捲三角糾紛斬兩段情 得蒙嘉慧一招收服修成正果【下一頁】
(圖片：大會提供)
(圖片：楊紹鴻微博影片截圖)
楊紹鴻主動提及1987年的電視劇《成吉思汗》，更分享到當年大家的合照，非常難忘，伊健說：「當年拍《成吉思汗》，我演萬梓良個仔，當年因為要打另一個電視台，公司就出盡所有精英，包括我、郭富城、李家聲，當然仲有最大粒嘅萬梓良、黃日華、劉青雲、陶大宇等等，基本上全台人都去晒內蒙古。」楊紹鴻大爆當年不少藝員都是百厭又頑皮，伊健是其中一人，他說：「我冇事，少少曳，仲記得要由瀋陽去坐火車去內蒙古，內地火車站好大，我哋要轉去另一個號數嘅火車月台，咁香港人嘛，見冇車就過，有幾個藝人就即時被公安叫停，話犯左唔知咩條例，最終要罰抄，罰抄完就放返出嚟。」
當年《成吉思汗》的拍攝特輯，一眾演員在火車站留影。(圖片：網上影片截圖)
鄭伊健（中）飾演成吉思汗的兒子。(圖片：網上影片截圖)
當年萬梓良是男主角。(圖片：網上影片截圖)
伊健表示此行發生不少大大小小的事情都印象難忘，不過部分「唔出得街」不敢講。在楊紹鴻分享的照片中見，伊健、郭富城跟李家聲都在大草原上脫去上衣大解放，伊健大爆：「當年真係四大天王，不過係百厭四大天王，除咗相入面三個之外，仲有一位叫區偉麟，我哋四個真係好百厭，冇嘢做就拎樹枝掉來掉去，有次瞓草地有條蛇，我哋就好似美式足球咁掉來掉去咁又玩一日。」伊健自爆在空閒時都會被劇組要求當替身，他表示自己有份當黃日華替身，換上他的戲份，只拍背面，他揮刀就可以。楊紹鴻形容當年無綫是上下一心，大家好團結去打這場仗。
《懿想得到》黎諾懿邀鄭伊健返TVB重聚 窮到燶時幸得對方支持【下一頁】
左起：李家聲、楊紹鴻、鄭伊健和郭富城，在大草原開餐。(圖片：楊紹鴻微博影片截圖)
伊健大爆四大百厭天王仲有區偉麟。(圖片：網上影片截圖)
伊健當年年少氣盛，他直言有不少難忘事。(圖片：楊紹鴻微博影片截圖)
伊健在節目中感激楊紹鴻當年帶他去試音，當作是他的生日禮物，雖然歌喉不被看好而失敗，但他第二次試音時，卻因為陳光榮的一句說話，被簽成為歌手。伊健說：「我記得當年拍《月兒彎彎照九州》係我幾低迷，因為我性格比較反叛，唔鍾意困喺某啲制度入面，結果入咗黑名單，但有監製堅持搵我去試鏡，我記得當日除咗我，仲有蔡濟文，當時帶蔡濟文就係我嘅伯樂Rachel，後來佢安排我去試音，其實佢話我唱歌就唔得，我又冇錢去學唱歌，不過陳光榮就話我把聲獨特，所以最終簽咗我。」
(圖片：鄭伊健IG )
伊健表示自己不打算再接拍電視劇，因為他覺得某個階段已經過去，至於電影就要視乎劇本，伊健說：「歌曲以前係用身邊朋友嘅故事，好多題材去做，依家個社會之下，寫咩好呢？不過近來計劃將自己舊歌重新錄過，因為以前錄歌可能好忙，唔係最佳狀態，希望可以重新再做。」
責任編輯：楊安莉