【反黑路人甲】劇中扮周潤發神秘人真身曝光 拍片整甜品冇時停狂整蠱湯怡

TVB劇集《反黑路人甲》經常向經典電視劇、電影致敬，繼早前重現《喜劇之王》同《天若有情》嘅經典畫面，最新一集就重現《英雄本色》中Mark哥（周潤發飾演）含住火柴嘅瀟灑造型。

{{hket:inline-image name="14.jpg"}}{{/hket:inline-image}}

(《英雄本色》電影截圖)

【反黑路人甲】張振朗挨實王浩信扮「A貨小倩」 回顧TVB劇向《天若有情》致敬橋段 詳情即睇：【下一頁】

劇情講述張細倫扮成蔣世龍（王浩信飾演）成為黑社會四聯幫嘅坐館，幫督察顧欣頤（馮盈盈飾演）查出殺死蔣氏三父子嘅兇手。本來張細倫要返公司開會，但途中佢突然搵高彬（張振朗飾演）、陸秋（朱敏瀚飾演），叫佢哋幫手擋住一架白色車。高彬、陸秋趕到現場，佢哋神色凝重，以為張細倫要尋仇，但原來張細倫只係想追星，搵發哥周潤發簽名。

{{hket:inline-image name="11.jpg"}}{{/hket:inline-image}}

(《反黑路人甲》電視截圖)

張細倫見到發哥之後非常興奮，戴上黑超、咬住火柴，模仿發哥喺《英雄本色》嘅造型，最後佢成功得到偶像嘅簽名、仲可以同佢握手、自拍。

{{hket:inline-image name="12.jpg"}}{{/hket:inline-image}}

(《反黑路人甲》電視截圖)

{{hket:inline-image name="13.jpg"}}{{/hket:inline-image}}

(《反黑路人甲》電視截圖)

呢位「發哥」一直背向鏡頭，冇露出真面目，身份相當神秘。有網民見到佢隻手仲細過王浩信，猜測係女演員所扮。不過尋晚王浩信喺社交平台上載多張幕後花絮相，揭發神秘人真身就係張振朗。王浩信留言表示非常享受同張振朗合作：「一對咁有默契嘅手，就係來自呢位拍檔。」張振朗亦有留言：「今日開始叫我周彬發，我最鍾意係我哋兩個都共同咬過支牙籤，sorry係火柴」

{{hket:inline-image name="17.jpg"}}{{/hket:inline-image}}

(王浩信instagram圖片)

{{hket:inline-image name="18.jpg"}}{{/hket:inline-image}}

(王浩信instagram圖片)

{{hket:inline-image name="16.jpg"}}{{/hket:inline-image}}

(王浩信instagram圖片)

{{hket:inline-image name="15.jpg"}}{{/hket:inline-image}}

(王浩信instagram圖片)

除咗王浩信，張振朗同賴慰玲、湯怡戲裡戲外都一樣咁老友，近日佢哋3個齊齊拍片下廚，為劇集造勢。片段中，佢哋分成兩隊，用膠板隔開，張振朗、賴慰玲全程睇唔到湯怡點整Tiramisu，只係聽佢聲音導航教學。喺整Tiramisu嘅過程中，湯怡重提張振朗戲中裸跑嗰幕，張振朗一臉尷尬：「我冇享受過，唔開心㗎，有啲陰影，唔好再講啦好唔好呀！」之後湯怡又再爆料：「開工第一日你就走嚟同我傾偈，我知你周圍同人吹水嘅。」

{{hket:inline-image name="20.jpg"}}{{/hket:inline-image}}

(湯怡YouTube頻道影片截圖)

後來張振朗反擊，係咁整蠱湯怡，例如特登叫錯佢做「湯唯」同「蔣怡」，好搞笑。

{{hket:inline-image name="19.jpg"}}{{/hket:inline-image}}

(湯怡YouTube頻道影片截圖)

跟住張振朗又趁湯怡擰轉臉，偷偷哋將自己嘅半製成品同湯怡嗰份調轉。湯怡發現被人偷龍轉鳳，張振朗、賴慰玲即扮無辜：「做咩呀？做咩攞人啲嘢？」湯怡扁嘴話：「我喺戲裡面已經被人蝦，你哋唔好蝦我好唔好呀？」張振朗繼續演戲：「我冇蝦你喎！依家你蝦緊我哋喎。」最後3個人終於整好Tiramisu，唔少網民睇完大讚張振朗有演喜劇嘅天份：「真係好好笑」、「好似平時農夫寸Do姐咁」

{{hket:inline-image name="21.jpg"}}{{/hket:inline-image}}

(湯怡YouTube頻道影片截圖)

{{hket:inline-image name="22.jpg"}}{{/hket:inline-image}}

(湯怡YouTube頻道影片截圖)

撰文：張芷晴
責任編輯：楊安莉