【被指佗第4胎】張栢芝抱細仔遭追訪勁狼狽 親身回應懷孕傳聞「打倒昨日的我」

40歲的張栢芝前年年底秘密誕下細仔張禮承（Marcus），不過囝囝的生父至今一直成謎。日前，栢芝為自家品牌拍攝宣傳照，並上載短片到社交網，惟片中的她腰肢圓潤，側面看明顯肚凸凸，疑似懷有身孕。一直沒有為大肚傳聞作出回應的栢芝，今日在社交網上載片段，自爆中午與Marcus外出時遇到傳媒追訪，又稱有記者問她是否「有咗」？栢芝指當時自己十分狼狽，故沒有即時回答，但她在片段中就斬釘截鐵說：「肯定冇BB，一定冇，依家冇，將來都唔會有！」

相關新聞：40歲張栢芝拍片凸肚驚傳懷第四胎 下腹又圓又凸自爆開胃食唔停

{{hket:inline-image name="IMG_5351.jpg"}}{{/hket:inline-image}}

栢芝今日嘅出街Look。（IG圖片）

{{hket:inline-image name="IMG_5347.jpg"}}{{/hket:inline-image}}

細仔在車上玩的玩具車。（IG截圖）

今日下午約一時，栢芝上載一條在車上的自拍片段到IG，當時的她購物完畢在返家的中途。栢芝在片中透露：「今日8月31號，中午12點幾，我住大埔，諗住去商場買少少玩具，又去咗超級市場買食物，臨走時見到有4、5個記者影相同拍片，我當時抱住個仔（Marcus）好狼狽，又孭帶，又推車，又買嘢食同拎袋，又唔想記者圍住小朋友，驚嚇親小朋友，我個仔又重，所以好狼狽，佢哋一路影到上車為止。」

{{hket:inline-image name="IMG_5353.jpg"}}{{/hket:inline-image}}

展示孭住細仔的孭帶。（IG截圖）

{{hket:inline-image name="IMG_5356.jpg"}}{{/hket:inline-image}}

栢芝被追訪後，回到家立即醫肚。（IG截圖）

栢芝在車上邊自拍邊憶述被追訪的過程，但她卻氣來氣喘，要抖一抖氣才繼續說。栢芝強調當時的記者都很有禮貌，但她惟一擔心是記者拍照會嚇親囝囝，她說：「希望記者哥哥唔好特登剪到有誤導性，盡量真實咁報道。其實今日好簡單，只係出來買玩具同買嘢食。」隨即展示買給囝囝的玩具火車，而栢芝拍片期間，亦不斷聽到玩具發出聲響，相信Marcus已經急不及待在車上玩新玩具。

{{hket:inline-image name="118404544_633385280650044_6051616881126300547_n_600.jpg"}}{{/hket:inline-image}}

為自家品牌拍宣傳照肚凸凸。（IG截圖）

{{hket:inline-image name="IMG_5364.jpg"}}{{/hket:inline-image}}

（IG截圖）

最近被指懷有第4胎身孕的栢芝，亦自爆被記者追問，她表示：「記者問我『栢芝，有傳你有咗喎？』，佢哋問呢個問題，其實我都唔使答，因為『傳』我有咗，即唔係真啦，佢哋拍晒片，一影就知，如果有咗，個肚又凸，冇可能孭住咁大條嘅孭帶，箍到個肚咁實，重要孭住個咁重嘅仔，孕婦一定唔會咁做。」之後，栢芝又拿起囝囝的孭帶拍片邊表示：「某啲媒體話我個肚嘅size似有咗4個幾月，冇可能仲孭到咁大個肥仔，箍住呢個腰帶囉！」

{{hket:inline-image name="mar3_600_600.jpg"}}{{/hket:inline-image}}

細仔Marcus。（IG截圖）

{{hket:inline-image name="IMG_5358.jpg"}}{{/hket:inline-image}}

栢芝日前都購買大量玩具。（IG截圖）

栢芝解釋被追訪時十分狼狽，所以沒有回答記者的問題，她表示：「我依家喺Instagram一次過答，話我有BB肯定冇，一定冇，依家冇，將來都唔會有，夠喇，唔生喇！總之肯定冇BB，其實都幾fit㗎，依家個身形。」栢芝去年亮相綜藝節目《女人30+》，被問到將來孩子長大後要離開，她曾放言：「一定會失落囉，所以我會繼續生，係咁生，等佢哋大又生一個。」不過看來現在已經轉軚「封肚」。

{{hket:inline-image name="ec45685bf183e16e43cf1c48f440306f_600_600.jpg"}}{{/hket:inline-image}}

（微博圖片）

撰文：倪小珊