洪永城同梁諾妍於18年撻著，至今已拍拖年幾。近日，洪永城上載女友攬狗狗嘅相，佢話女友擔心短髮造型唔好睇，但佢就賣口乖指：「我都係得一個選擇，好睇。」楊偲泳、梁諾妍見到留言：「why so sweet？」洪永城得戚回覆：「應該做嘅。」
(洪永城instagram截圖)
過咗幾日，洪永城又上載同女友跑完步嘅合照，寫道：「多謝跑步教練再帶我嚟。」梁諾妍亦於社交平台寫道：「教練老懷安慰系列，捉到佢去跑開心過練腹肌，今次跑8k，下次要16k了。」
(洪永城；梁諾妍instagram圖片)
{{hket:inline-image name="17.jpg"}}{{/hket:inline-image}}
(洪永城instagram圖片)
唔少網民留言指佢哋好甜蜜，羨煞旁人，又有人讚梁諾妍好好，會鞭策洪永城做運動，令佢身體更加健康：「梁小姐好嘢」、「依家有專人教練，好快可以提升（體能）」、「快娶靚女教練，肯定日日好fit」、「你女友好正」、「絕種好女友」等。唔只網民，洪永城都曾經接受傳媒訪問讚女友：「佢有太多優點，我都唔知應該邊度講起，如果要我講嘅話可能要用一、兩個鐘。」
梁諾妍今年32歲，曾就讀名校聖士提反女子中學，入選香港女排青年軍，曾代表香港到北京出賽。及後，佢到加拿大升學，畢業於當地知名學府─多倫多大學經濟與媒體研究學系。
(梁諾妍instagram圖片)
回流香港後，梁諾妍擔任模特兒，喺空餘時間，佢常到唔同地方跑步，周遊列國參加馬拉松比賽。後來佢不斷進修，考獲長跑教練牌、健身教練牌同HIIT教練牌，終喺17年開設個人健身工作室。如今佢除咗要兼顧幕前嘅拍攝工作，亦要教班，夜晚仲會抽時間練跑，好厲害。
(梁諾妍instagram截圖)
(梁諾妍instagram圖片)
{{hket:inline-image name="1.jpg"}}{{/hket:inline-image}}
(梁諾妍instagram圖片)
(梁諾妍instagram圖片)
除咗好學之外，入行至今梁諾妍形象健康，同洪永城拍拖前零緋聞，社交平台上大部分都係練跑、去旅行、做運動，同女性朋友嘅合照。喺鏡頭前，梁諾妍曾經喺《極地馬拉松》素顏上陣，講心底話講到流晒眼淚，被觀眾讚佢自然唔造作。
(《極地馬拉松》電視截圖)
梁諾妍仲係個好有愛心嘅人，佢曾經喺ViuTV《全職媽媽放大假》負起保姆責任，照顧小朋友。節目中，佢對待小朋友嘅態度好溫柔，將佢哋照顧得相當妥貼，被唔少媽咪稱讚。
▼佢亦都好鍾意小動物
梁諾妍有咁多優點，唔怪得一向緋聞多多嘅洪永城都被佢成功收服到。現時洪永城同梁諾妍同居咗幾個月，梁諾妍指二人甚少鬧交，唔會特登檢查對方手機，感情好好。早前洪永城接受訪問時大讚女友係完美，又指同佢睇法一致，唔排除先佗B，後結婚㖭。就咁聽，都知洪永城幾滿意呢位未來老婆啦！
撰文：張芷晴
責任編輯：楊安莉