NESCAFÉ®X Keigo注入本地元素 得意罐裝咖啡為港人打氣

黛安習慣每日都飲咖啡，最近收到風，雀巢咖啡NESCAFÉ®聯同日本人氣插畫家Keigo，會推出7款限定版罐裝咖啡，繪畫香港打工仔同學生嘅日常，以樂天能量為大家打氣！

7款咖啡包裝包括頭部必須卡在上層嘅長頸鹿巴士司機；以長嘴巴擋住貓咪舉重嘅鱷魚健身教練；仲有因為跑得太慢而被外賣大叔抱住跑嘅樹獺外賣員等，每款都好得意。今次Keigo更為NESCAFÉ®創作20幅小故事，以詼諧故事搭配香港特色元素，幽默感十足！小故事形式更連載於NESCAFÉ®嘅fb同ig。

另外，今次NESCAFÉ®仲推出咗多款限量精品，由明日（2日）起可以陸續換購。例如喺7-11及OK便利店買兩罐NESCAFÉ®罐裝咖啡，加$24即可換購帆布袋；加$29則可換購Figure。至於喺HKTVmall、Ztore及其他指定零售商購買一箱24罐咖啡，更可免費換領儲物盒㖭。大家快啲將精品帶返屋企收藏啦！