49歲息影女星鄭艷麗今年6月因罹患厭食症,體重暴跌到90幾磅,其後更在一週內兩度昏厥,被送到深切治療部,情況嚴重。鄭艷麗持續更新自己病情,她在7月中透露已出院一個星期。從上載的照片所見,鄭艷麗面頰雖然消瘦,但精神還好,當時她又表示自己要長期食藥抽血,以及密切觀察自己情況。
【90年代艷星】鄭艷麗患厭食症兩度暈倒入ICU 身體排斥食物無法吸收營養險死
詳情即睇:【下一頁】
(圖片:鄭艷麗FaceBook)
鄭艷麗6月因厭食症入院(圖片:鄭艷麗FaceBook)
出院後都要keep住食藥抽血(圖片:鄭艷麗IG)
出院兩個月,鄭艷麗好努力食嘢增磅,又分享日常點滴,眼見佢生活都回復正常,會敷面膜保養扮靚,上星期又去好朋友屋企作客,跟契仔一齊玩,氣色同精神都好好。鄭艷麗寫道:「真開心又去咗我契仔屋企兩日一夜遊、玩得又開心又可以食到住家飯、女友好細心知道我鍾意BBQ紅腸、下午飯做咗個紅腸點蜜糖給我吃、一點滴細心令我窩心在心頭、仲有張小姐每次都嚟揸車接我一起去,感謝兩位美女」
(圖片:鄭艷麗IG)
鄭艷麗到朋友屋企作客(圖片:鄭艷麗IG)
呢排密密食努力增肥(圖片:鄭艷麗IG)
仲有返心情敷面膜(圖片:鄭艷麗IG)
鄭艷麗身體康復得愈來愈好,但原來只係表面,內心仲有好多鬱結。事關佢尋日喺社交網發文,呻冇人體諒佢,導致好多心事冇辦法講岀口。佢寫道:「我覺得自己好有問題、有好多事情…放咗喺個心裏、不能和人說。經常自己同自己講嘢、有冇地方發洩(泄)、亦不能在這邊說、突然有大事報道,有些人又不體諒自己、都啱嘅!冇理由逼人去體諒自己、每個人都有佢嘅選擇、在這下去(再咁落去)…我人會唔會痴(黐)咗線,我係唔係應該去🏥💒⛪️❗️❓❗️❓」
(圖片:鄭艷麗IG)
不過佢內心原來仲有好多負面情緒(圖片:鄭艷麗IG)
一眾網友都好擔心鄭艷麗嘅情緒同精神狀態,紛紛留言鼓勵佢,又提供好多建議,等佢可以抒發心情:「多揾朋友,聚餐下;做下運動,好心情,就好好瞓啦。」、「做自己喜歡的事,例如扮靚、行山、跑步、看電影……不用理會別人的看法。」、「我們都會支持妳呀」。
(圖片:鄭艷麗IG)
撰文:羅慧怡
責任編輯:楊安莉