才女梁芷珊與商人前夫羅傑承2002年結婚,婚後一年誕下囡囡羅樂桐(Eily),二人對女兒疼愛有加,成為二人維繫感情軸心,但隨着女兒到外國讀書,加深二人隔膜,最終2017年因性格不合走上離婚之路。
(梁芷珊Facebook)
(梁芷珊Facebook)
二人有共識共同撫養囡囡,眨下眼,Eily已經18歲喇!尋日Eily梁芷珊喺限聚令下同囡囡兩個人撐枱腳,啱啱成年嘅Eily仲同媽媽一齊嘆紅酒慶祝添。梁芷珊喺自己嘅社交平台上載咗同囡囡嘅合照,Eily同媽媽一樣留有一頭長長秀髮,開始有啲女人味,再加上梁芷珊保養得宜,兩個拍埋望落十足兩姊妹!芷珊留言:「Happy 18th birthday,my love」。
(梁芷珊Facebook)
(梁芷珊Facebook)
Eily比起兩年前望落瘦咗唔少,冇晒Baby Fat,仲有啲似岑麗香添,除咗愈大愈靚之外,仲係高材生,遺傳晒媽媽嘅優良基因,才貌雙全呀!
唔經唔覺當年嘅「豆釘」已經大個女。(梁芷珊Facebook)
Eily14歲就去英國讀書,2018年考IGCSE考獲11A佳績,包括1A**, 9A*,1A (Add Maths),梁芷珊同羅傑承都非常為阿女驕傲同覺得安慰。佢形容自己同前夫係「不勞而獲」,因為佢哋完全冇push囡囡,從來冇做過「怪獸家長」。
(梁芷珊Facebook)
梁芷珊話「覺得呢件事其實唔簡單」,因為佢人生只係生咗一個女,就生咗一個11A女狀元,命中率100%,形容自己好好彩。梁芷珊指值得開心嘅係,佢終於可以用事實來證明,小朋友讀書學習係唔使迫嘅,開心快樂成長最緊要,絕對唔使報十間幼稚園,唔使補習,唔使學芭蕾舞,唔需要學七國語言。
(梁芷珊Facebook)
同阿女相處似姊妹、朋友一樣。(梁芷珊Facebook)
Eily昨日「由小朋友變成大人」,廿四孝媽媽話有好多嘢要搞,要幫Eily開個人銀行戶口、離岸戶口、申請Credit卡,同埋登記做選民等。
梁芷珊指囡囡剛收到大學一個number,可以去申請學生Visa,唔使再同媽媽用同一個戶口。梁芷珊指唔擔心囡囡會亂使錢,仲話佢比自己知慳識儉:「將來佢有自己信用卡,我會提佢自己負責,責任感大啲。」連教阿女理財都有一套,才女係得嘅。
(梁芷珊Facebook)
撰文:黃蘊姿