【姜導處男作】姜濤為新歌《孤獨病》首次執導演筒 15秒MV得對鞋吊粉絲癮

現正於台灣拍攝電視劇《超感應學院》的姜濤，其第5首單曲《孤獨病》於明天正式派台。今次姜濤首度挑戰擔任導演執導MV，並挑戰高難度一鏡過拍攝，目的只為「姜糖」帶來驚喜。不過暫時未能回港為新歌宣傳的姜濤，今日率先在社交網上載一小部份的MV，但MV中只看到穿着一雙黑皮鞋的人，在漆黑的環境中一步一步的走着，氣氛冰冷而孤寂。

相關新聞：台灣隔離刨劇本 姜濤開Live唔講嘢畀花姐寸

{{hket:inline-image name="C1_07028e.jpg"}}{{/hket:inline-image}}

（大會提供）

{{hket:inline-image name="IMG_8079.jpg"}}{{/hket:inline-image}}

（大會提供）

《孤獨病》內容講述一個人孤苦無依靠的內心世界，而姜濤過去在腦海裡一直都有個畫面跟歌曲的主題很匹配，他說：「好耐以前就有一個spotlight打落嚟，得我一個嘅畫面喺腦海裡，但從來都冇合適嘅歌曲可以呈現出嚟，今次遇上《孤獨病》，係一個好好嘅機會去用呢個idea，所以我就同花姐講，可唔可以畀我參與拍攝MV嘅過程。」

{{hket:inline-image name="C1_07337e.jpg"}}{{/hket:inline-image}}

（大會提供）

{{hket:inline-image name="118472574_237596221167701_1653663178405778457_n.jpg"}}{{/hket:inline-image}}

（IG圖片）

早在拍攝《蒙著嘴說愛你》MV時，當時的導演袁劍偉已想以一鏡過拍攝姜濤的MV，但最後因為種種原因改以其他方法拍攝；今次《孤獨病》終以一鏡過拍攝，可算是還了姜濤一個心願。被問到首次執導最好玩的地方是甚麼？姜濤笑言：「最好玩係可以坐喺導演位掌控成個MV，呈現喺你心目中嗰個樣，可能開頭唔似你想要嘅嘢，但係慢慢就成形，呢個係最過癮嘅地方。」

{{hket:inline-image name="c6.jpg"}}{{/hket:inline-image}}

（IG截圖）

{{hket:inline-image name="c2.jpg"}}{{/hket:inline-image}}

（IG圖片）

姜濤坦言今次未做到最好，他說：「我已經盡咗力，拍咗我心目中想要嘅嘢，當然理想同現實有一定嘅差距，但我已經好滿意，覺得可以拎出嚟同大家見面。因為要見得人，係要過一個好高嘅關卡，所以過到自己，即使成品未係100分，都希望大家睇到都會有『wow』嘅感覺。」姜濤更說，如果再有機會，下次或者會再執導演筒，拍一支跳唱MV。

{{hket:inline-image name="c4.jpg"}}{{/hket:inline-image}}

（IG截圖）

{{hket:inline-image name="c5.jpg"}}{{/hket:inline-image}}

（IG截圖）

而近日在台灣忙於拍劇的姜濤，昨晚通宵拍劇至今早約6時才收工，他在IG動態上載收工時與狗狗玩耍的片段，鏡頭一轉便是他自拍在床上睡醒一刻，但他刻意用被遮掩樣貌。之後姜濤上載新歌《孤獨病》的部份MV上社交網，該條約15秒的片段中，只看到穿着一雙黑皮鞋的人，在漆黑環境中孤寂地走着，姜濤留言：「孤獨的路上，你並不孤單。2/9。嘗試導演的第一次，願今後會拍得更好。」有粉絲留言「有我們，你亦不孤單」、「期待姜導的作品」。

撰文：倪小珊