【聲明】港生活網站並無進行電話推廣活動

傳約滿無綫 42歲李璧琦造人要睇定啲

發佈時間: 2020/09/02

無綫今年有不少藝員約滿離巢,繼日前范振鋒正式結束十年賓主關係,有傳擁有一把靚聲的李璧琦亦快將約滿。李璧琦與前無綫藝人葉暐前晚舉行網上音樂會,對於未來動向,李璧琦只表示稍後公布,又謂現在時勢太多變數,要慎重考慮生育計劃。

李璧琦與葉暐前晚在觀塘開Live獻唱,二人曾同樣參加《星夢傳奇》比賽,亦曾合作拍劇,李璧琦說︰「我哋之前拍《巨輪》,等埋位嘅時候經常一齊jam歌。」她透露自己有份主演的電影《等一個擁抱》,因疫情要延遲上映,她亦將會推出一首電影歌曲。

有消息指李璧琦將約滿無綫,並計劃回復自由身後積極造人,她未有否認離巢,只表示適當時候會公布。早前結婚一周年的她,笑言平日與圈外老公Adrian日對夜對︰「我哋真係對足24小時,我打畀啲Auntie請教夫妻相處之道,又睇好多呢啲資訊。」至於生育計劃,她認為要慎重考慮︰「依家呢個時勢,太多未知之數,要睇定啲先,要對下一代負責任,所以要深入思考再思考。」

范振鋒離巢感不捨

另外,范振鋒在社交網宣布離巢,留言說︰「唔經唔覺今次簽約近10年了!感激多謝TVB各位同事、管理層、畀過機會及合作過的監製!希望將來有機會再合作!江湖見!」他接受《晴報》訪問,表示會繼續在新城電台開咪主持節目,亦會監製兩部電影。對於離巢無綫,他坦言︰「都有少少唔捨得,尤其之前《兄弟幫》嘅同事,對咗好多年。最唔捨得嘅日子其實係幾個月前,啲同事都離開咗公司,不過出面拍戲、工作都成日見番。」

撰文︰Pauline

編輯︰李潔盈

美術︰梁政敏

傳約滿無綫 42歲李璧琦造人要睇定啲

李璧琦與老公Adrian早前在家中慶祝紙婚。(資料圖片)

傳約滿無綫 42歲李璧琦造人要睇定啲

范振鋒自一月《兄弟幫》停播後,未獲無綫安排主持其他節目。(IG圖片)