溫碧霞約容祖兒北京打邊爐

溫碧霞（Irene）近日身在北京工作，她前日相約同樣身處當地的容祖兒及其經理人霍汶希（Mani）見面，三人享受一頓美味的涮涮鍋。Irene開心說︰「我哋談天說地乜都傾，之前各有各忙，就算大家同時間喺北京，都無見過面，噚晚（前晚）好難得可以相聚。Mani係我好欣賞嘅經理人，佢幫咗我好多，一直都無機會面對面認真咁多謝佢；而祖兒每個演唱會我都有捧場，好欣賞祖兒嘅努力。」

Irene日前亦逛了當地的藝術街，經過一間貓店，即被店內的貓咪吸引，走入店內跟牠們玩耍。家中飼養了兩隻愛犬的Irene，透露因有鼻敏感，故一直沒有養貓。