【街市常識】主婦切開魷魚內藏20條魚仔 網民怒轟呃秤或錯怪魚販【附海鮮專家解釋】

買魷魚竟然送魚？近日有主婦在魚檔買入一條魷魚，惟回家後切開發現內裡竟然藏有20條小魚，開心地稱可以煲湯「加餸」，遂上傳照片到網上分享，不過就有不少網民質疑魚販藉此增磅「呃秤」，指事主被人「搵笨」，不過有海鮮專家認為未必是魚販故意「呃秤」。

該名主婦昨日(1日)在Facebook群組「今晚煮乜好」分享，指從魚檔以50元購買了一隻肥美的魷魚回家，一切開後便發覺其腹部有20條小魚。事主對此大感驚喜地，更有意利用該20條小魚「加餸」：「可以用來煲湯」。

{{hket:inline-image name="118588671_10158699158015960_6451521863527629904_n.jpg"}}{{/hket:inline-image}}

主婦切開魷魚後發現其腹部藏有20條小魚。(Facebook群組「今晚煮乜好」圖片)

【鯊魚勿食】街市賤賣鯊魚仔 鎚頭鯊尖頭斜齒鯊乜都有 魚類專家：屬瀕危勿食用，詳情即睇【下一頁】

網民質疑魚販塞魚「呃秤」

帖文隨即引起網民熱議，有人戲稱該20條魚慘遭滅門，「全家喺齊到」、「陰功，呢家人前世住過啲乜...？？？」；又有人指曾經遇過類似經歷，「幾條就試過，咁多第一次見」、「我之前都試過，硬係覺得賣魚嗰個塞入去呃秤」。

有不少網民質疑，魚販故意將細魚塞進魷魚體內藉此「呃秤」，認為涉事魚檔不老實，「奸商！魚販特登塞入去的」、「啲魚仔仲咁完整」、「唔好以為執到寶，魷魚食嘢都要用牙咬碎，同埋啲魚咁完整，魚眼仲烏卒卒好新鮮，咁你知咩事啦！」。

專家拆解呃秤之謎

早前亦有市民在魚檔買入魷魚後，切開驚見內藏另一條紅色小魚，同樣惹來「呃秤」疑雲。香港海鮮聯合總會主席李彩華接受《晴報》訪問時曾指出，魷魚會進食體型較小的魚類維生，因此切開魷魚見到細魚屬正常現象，相信並非檔販存心「呃秤」。他又解釋，由於魷魚的消化系統在進食時，可以伸縮放大，因此容納到比自己體積較小、甚至大小相若的魚類；相反，要在魷魚死後，強行將一條魚塞入魷魚體內相當困難，認為此「呃秤」方式並不可行。

香港魚類學會會長莊棣華接受《晴報》訪問時表示，魚類被魷魚吞食後，理應不會呈完整狀況，推斷上述情況未必由魷魚進食所致。而圖中的小魚為梭羅魚，由於梭羅魚棲身的水域深度同魷魚相同，漁民若以拖網方式捕魚，會一次過將大量不同品種的生物撈起，體形較小的梭羅魚在擠迫的環境下，有機會被魷魚誤吸入肚，衍生上述情況，相信魚販不會藉塞魚入魷魚體內而「呃秤」。他指出，研究員亦會在拖網捕漁獲中的各種魚類，以及海洋生物的體腔或消化道內，取出內容，分析牠們的食物或在共同環境生活的生物種類。

{{hket:inline-image name="1_600.jpg"}}{{/hket:inline-image}}

早前有市民亦遇上類似經歷，劏開魷魚後發現內藏一條紅色小魚。(Facebook群組「今晚煮乜好」圖片)

【食用安全】街市買西瓜仔肉質如紙巾 街坊一食即吐：宜家好多假嘢！詳情即睇【下一頁】

每朝索取《晴報》：精明生活．健康家庭．開心娛樂

撰文︰黎穎芯