羅家英一句說話汪明荃冧入心扉 大男人護阿姐:外界以為佢惡過我

羅家英日前為好友苑瓊丹主持嘅香港開電視節目《開工大吉77》擔任嘉賓，畀苑瓊丹「逼供」分享同阿姐拍拖逸事，又大講由粵劇大老倌變喜劇影星嘅經過。

{{hket:inline-image name="DSC00103.JPG"}}{{/hket:inline-image}}

（大會提供）

視傳承粵劇文化為己任

家英哥來自粵劇世家，爸爸從小教導要傳承粵劇文化，自此肩負重任：「爸爸話佢養大仔女，全靠華光師傅賜啖飯畀我哋食，爸爸仲話做戲唔係低下階層，係社會一份子，所以要求我將戲曲同粵劇傳頌落去，做人不能忘本！我由73年開始已經為粵劇宣傳，不時要去為新一代上堂。依家我幾忙㗎，有五個徒弟、百幾個學生啦，我愛人（汪明荃）都不時嚟幫手指點，唔係教佢哋功架，教佢哋做戲。」

{{hket:inline-image name="DSC00364.JPG"}}{{/hket:inline-image}}

（大會提供）

阿姐被「誤會」

家英哥喺訪問一開始時表明「唔講感情嘢」，不過最終都招架唔住老友苑仔追問，「被迫」分享同阿姐嘅拍拖逸事：「特登啄住嚟問！不過真係好耐冇見，所以好多嘢都要講嘅。」

{{hket:inline-image name="0.jpg"}}{{/hket:inline-image}}

（《大內密探零零發》截圖）

苑仔問到家英哥如何吸引阿姐，但就畀家英哥帶佢「遊花園」：「我都唔係好明白，佢都冇同我講，我點知佢鍾意我咩啫！我對佢都唔算細心，又唔算好遷就佢，外界嘅人以為佢惡過我都好正常，因為佢對工作好嚴謹、要求好高，（外界）諗住佢對羅家英都係咁，實情係…都差不多啦，我好難講得出口，好難答！」

{{hket:inline-image name="093b7ed740567c04491c72f03ad3eb69.jpg"}}{{/hket:inline-image}}

（東星娛樂）

不浪漫大男人？

家英哥曾幾度公開向阿姐大唱《我向你求婚》，不過家英哥自言唔浪漫，指自己思想陳舊，係為畀阿姐名份而結婚：「我哋冇示過愛，第一次拖手係過馬路，拖吓放手又拖吓咁，之後睇戲佢話好驚就拖住我，大概係咁啦。」

{{hket:inline-image name="67831eb28adfa18f92756ca819e06417.jpg"}}{{/hket:inline-image}}

（東星娛樂）

家英哥同阿姐二人先後經歷大病，過程中互相支持，撐起對方的心靈：「其實係阿姐病先嘅，我記得有一次佢喺內地開會，突然打畀我話要返香港睇醫生，咁我咪去接佢囉，知道要做手術佢都驚驚地，全靠我喺旁邊做大男人，『保護你，唔使驚，有我喺度！』，佢好感動囉。」

{{hket:inline-image name="726384d6dcbe20e76cedb23dc7cfdbd6.jpg"}}{{/hket:inline-image}}

（東星娛樂）

漆黑中嘅螢火蟲

講到家英哥由粵劇界跳進電影圈，第一次拍戲參演成龍作品，後來再因為鄭丹瑞令佢另一面嘅潛能「開發」：「當時佢話搵羅家英拍劇，咁橋谷德昭睇完又介紹我畀周星馳識，就係咁做咗『達聞西』呢個角色，同阿星撞出火花。同時我都拍緊《女人四十》，當時都係叫我做搞笑，但拍拍吓許𩣑華叫我唔好搞笑，做番感情戲。後來佢問我想角逐男主角定係男配角，我認為男配角機會較大，最終就贏咗金馬獎。」

{{hket:inline-image name="e5666d56782fa854f45003ff233f5a30.png"}}{{/hket:inline-image}}

（《國產凌凌漆》截圖）

林子博早前重提阿姐喺自己最無助嘅時間提供經濟援助，家英哥喺節目後嘅訪問就指自己唔係好清楚事件，但就大讚阿姐同苑仔都係樂於行善嘅人：「我相信件事係真嘅，但我冇問佢（阿姐），佢都冇同我講，因為做好事呢係唔需要同人講，連老公都唔講，你話佢幾口密，陰德係慢慢積。」

{{hket:inline-image name="DSC09993.JPG"}}{{/hket:inline-image}}

（大會提供）

撰文：黃蘊姿