Coffee林芊妤自從成為瑜伽導師後，不時於社交平台上載瑜伽動作教學，教大家減肥，除此之外佢成日分享同1歲囝囝翟德彥（伯伯）及老公翟志榮嘅生活片段。日前，Coffee上載咗條片，片中伯伯踢爆爸爸同靚姨姨玩，仲話姨姨靚過媽媽。
(林芊妤instagram圖片)
{{hket:inline-image name="21.jpg"}}{{/hket:inline-image}}
(林芊妤instagram截圖)
{{hket:inline-image name="18.jpg"}}{{/hket:inline-image}}
(林芊妤instagram截圖)
{{hket:inline-image name="19.jpg"}}{{/hket:inline-image}}
(林芊妤instagram動態截圖)
事緣Coffee出外去咗為個人運動衣物品牌影硬照，老公就帶咗伯伯出去玩。返到屋企，Coffee抱起伯伯，問佢同咗爸爸去邊度玩，係唔係去咗踢波，但伯伯只係顧住笑，唔肯答。Coffee轉問伯伯同邊個玩，伯伯笑得仲厲害，搞到Coffee好肉緊咁問多幾次。後來伯伯迴避媽媽眼神，邊笑邊話：「姨姨」, Coffee即刻瞪大眼，好緊張咁話：「邊度有個姨姨呀？爸爸同姨姨玩？」伯伯笑住點頭。
(林芊妤instagram影片截圖)
(林芊妤instagram影片截圖)
Coffee一臉驚訝，繼續問佢：「姨姨靚唔靚？」伯伯竟然秒回：「靚！長頭髮。」Coffee更驚訝地追問：「姨姨靚啲定媽咪靚啲？」伯伯再次迴避媽媽眼神，諗咗半秒後坦言：「姨姨」, Coffee嚇到尖叫問伯伯係唔係認真答，伯伯毫不猶豫咁話係。
(林芊妤instagram影片截圖)
Coffee扮嬲，問伯伯點解同姨姨玩得咁開心，又問姨姨錫唔錫佢，最後仲問佢：「得啦，你走啦，過去同姨姨（玩）啦...你要姨姨定媽咪？」面對一連串質問，伯伯諗都唔諗就話要媽媽，成功氹到Coffee甜笑。
(林芊妤instagram影片截圖)
Coffee唔肯罷休，再問多次伯伯邊個靚啲，伯伯照答姨姨，Coffee決定放棄追問:「你個衰人吖，呢條友真係唔知自己答緊咩喎！」
本來Coffee以為伯伯只是隨口講吓，佢見到老公返到屋企，再問多次，點知佢老公直認不諱，笑指姨姨外表OK。
(林芊妤instagram影片截圖)
佢老公知道伯伯踢爆自己後笑言︰「你咁樣報串，下次點帶你去蒲？」Coffee喺片段下留言，指伯伯可以做自己線人，以後負責監察爸爸嘅一舉一動，佢仲向伯伯強調媽媽永遠係最靚。
(林芊妤instagram截圖)
事後Coffee老公主動提供「證據」，片中見到伯伯、姨姨同另一個小朋友，原來靚姨姨係同屋苑其他小朋友嘅工人姐姐而已。
(林芊妤instagram影片截圖)
尋日，Coffee掐住老公個頭，影相放上IG，佢指老公把口衰，令佢大部份時候都想掐死對方：「同靚過我既（嘅）姨姨踢波呀啦！」唔少網民睇到都留言話佢哋嘅互動好搞笑：「打者愛也」、「跪咗玻璃未？」
(林芊妤instagram圖片)
撰文：張芷晴
責任編輯；楊安莉