【聲明】港生活網站並無進行電話推廣活動

主動錫張振朗 王浩信︰口感好新鮮

發佈時間: 2020/09/03

王浩信在《反黑路人甲》可謂艷福無邊,除了跟湯怡、高海寧等多位女角有感情綫,前晚又遭「水姐」蔣家旻咬唇示愛。不過好戲在後頭,王浩信昨日宣傳劇集時,預告他與「高彬」張振朗將有破格男男接吻戲,雖然香艷不足,但保證搞笑有餘。

《反黑路人甲》一眾演員昨日出席宣傳活動,提到前晚一集中,「水姐」蔣家旻主動咀嘴「細蔣生」王浩信,更咬男方嘴唇示愛,王浩信笑說︰「呢個動作好切合『水姐』咁狂野嘅性格,呢套係喜劇,事前我哋傾過想畫面上有突破,因為想每個角色有唔同,所以蔣家旻設計咗呢一幕。」問他被蔣家旻咬了多少次?他說︰「一次就夠。(事前準備?)要忍痛囉。」

王浩信預告,將與張振朗有場男男吻戲︰「同女人拍(嘴戲)會有啲尷尬,但同振朗就唔會。」二人錫錫多少次?王浩信說︰「我唔想諗番呀。(邊個蝕底啲?)唔好提!係我做主動,摏個頭埋去,不過口感幾新鮮,可能未試過。」而張振朗自言拍攝時要努力忍笑︰「大家未錫已經笑緊。同浩信錫完,女朋友都無唔畀我錫。」另外,提到王浩信太太陳自瑤早前生日時,在網上回覆大家祝賀,唯獨沒回覆老公留言,王浩信聞言即落閘︰「呢個唔講。」

湯怡寧願男友呃一世

同場的湯怡在劇中愛上王浩信,但對方身邊太多女伴,湯怡說︰「如果現實嘅我會揀退出,個心唔喺我度,爭嚟都無意思。」她自言欠缺安全感,希望找到一位令她有安全感的伴侶︰「起碼大家清楚對方行蹤,要有交帶。但我底綫係唔check男友電話,我寧願佢呃我一世。」單身的她表示有朋友介紹男仔,會否考慮與洪卓立復合?她說︰「唔答啦。」

採訪︰Pauline

攝影︰林良明

編輯︰李潔盈

美術︰梁政敏

主動錫張振朗 王浩信︰口感好新鮮

前晚一集中,蔣家旻咬王浩信嘴唇挑逗,引網民熱議。

主動錫張振朗 王浩信︰口感好新鮮

湯怡對感情採取寧缺莫濫的態度。