【子女=附屬品？】被要求定時報到 控制狂媽媽摷房八達通查行蹤 26歲女兒難忍：想要返自己嘅人生

「養兒一百歲，長憂九十九」，但有時過份管束反而會成為子女的壓力。一名26歲女網民在網上吐苦水，指自己從小到大，媽媽的管教都是非常嚴厲；在讀書時期，媽媽已不斷要求她定時報告行蹤，成年後更會摷她掉出的垃圾。以上種種行為都令她感到難以喘息，慨嘆：「返到屋企都無家的感覺。」

該名女網民向Facebook群組「生仔要考牌系列」匿名投稿，大呻媽媽的管教模式令她難以喘息，更直言「容忍限度已到極點」。她指出，自己是家中獨女，從小到大家中管教甚嚴；在中學時期，媽媽會每日檢查書包、用八達通檢查行蹤，及要求放學後15分鐘內電話報到等。

事主一直難忍媽媽的管教方式，當升上大學時她決定嘗試脫離「魔掌」，爸爸亦開始明白要放手，但可惜媽媽仍然是「控制狂」，

「底線係要自己踩出嚟，打電話嚟，我專登唔聽，message（訊息）專登唔覆，大學嘅時候都仲會check我銀包，久唔久又摷吓我間房。」

修路工人被諷「唔讀書做呢行」，教師媽媽一句話教仔獲讚有家教，詳情即睇︰【下一頁】  

直至現年26歲已經投身社會，事主以為媽媽的控制慾會慢慢減去，但原來一切都是其「天真」的想法。最近，她清理房間時，將前度男友送的禮物執好，然後棄於公共垃圾房；未料日前收工回家後，驚見棄掉的垃圾重現在她的房間，令她相當無奈，

「成日摷我間房都算，仲要連掉咗出垃圾房嘅垃圾都摷埋......農曆七月都嚇我唔到嘅！......不過我已經連叫佢睇醫生嘅動力都無，連同佢嘈嘅意欲都無，我決定默默地再掉過。」

從小到大面對這位「控制狂」媽媽，事主不禁表示「好想」放棄對方「好想佢消失喺我嘅人生，好想離開呢個屋企」。有時，她亦會羨慕別人有「正常嘅父母」，又指自己最近一年已沒跟媽媽有任何交流。經過今次「摷垃圾事件」，令她更想盡快搬走。

事主直言「返到屋企都無家的感覺」，這個家已變成她的壓力源頭，每日只想盡快離開，「起身就想盡快離開
減少見面，減少conflict（衝突）」。事主只希望，能夠擁有自己的人生，

「好想同佢哋講，第日死咗乜都唔洗留畀我，我對你啲資產無興趣，你哋可以捐哂出去，我只係想要返自己嘅人生。」

最後，她奉勸各位家長表示：「各位家長：小朋友不是你的附屬品，更不是你的資產，你不能操控他們的一生。」

網民感同身受 建議盡快搬走

帖文一出，引來不少「同路人」表示感同身受，建議事主盡快搬走，「同你情況差不多，但未至於check八達通。（會）摷我啲嘢睇我買過啲咩，最後我搬咗出來，心靈輕鬆咗好多」、「我都類似，我係做梗野，佢都係持續衣櫃、手袋、櫃桶，乜都睇一餐，仲會偷聽你講電話，搬咗出去，離開咗佢嘅陰霾，身心舒泰了!」另有網民表示：「雖然媽媽有點過分，但可能就是愈少溝通，愈想知道你的事，只是方式用錯了。」

放任女兒亂跑尖叫撕毀餐牌，餐廳老闆好心提醒多管教，怪獸爸爸惱羞成怒大爆發，詳情即睇︰【下一頁】  

每朝索取《晴報》：精明生活．健康家庭．開心娛樂  

內容獲「生仔要考牌系列」授權刊登。 

撰文︰潘迦晴