楊怡今年4月為老公羅仲謙誕下囡囡「小珍珠」後，專心相夫湊女，不時喺社交平台分享做新手父母嘅感受。早前，楊怡同老公、B女一齊慶祝佢41歲嘅生日，當時已經有唔少網民讚佢臉尖尖，好靚女。
(楊怡instagram圖片)
(楊怡instagram圖片)
羅仲謙楊怡優良基因囡囡接收晒 4個半月大「小珍珠」甜笑做大禮 詳情即睇【下一頁】
尋日，楊怡喺社交平台上載新相，相中嘅佢著住螢光粉紅色低胸運動內衣，除咗露出事業線，亦大騷纖腰，盡顯美好身段。唔少網民讚佢身材好好，望佢快啲復出拍劇。另外藝人好友亦紛紛留言表示羨慕，例如陳敏之、高海寧、樂瞳都分別大讚：「好勁呀！」、「索」、「hot mama」等。而馬國明就羨慕羅仲謙有個咁靚嘅老婆，留言:「你老公真幸福。」楊怡回覆：「馬明你現在都好幸福吖。」
楊怡話唔少人讚佢用咗4個月已經修身成功，身形回復到生BB之前咁，佢話全因為「紮肚」。佢表示生完BB後，感覺到骨架同線條都有明顯變化，盆骨最明顯。後來佢喺B女出世後6個星期，去咗做紮肚療程，兩星期後佢感受到身形逐步改善，仲話好快可以穿到生BB之前嘅衫褲。
(楊怡instagram圖片)
其實除咗楊怡之外，唔少明星都有透過紮肚方式去進行產後修身：
1. 樂基兒
樂基兒喺上年誕下囝囝Hunter，產後幾個月，佢已經可以著泳衣影靚相。原來佢進行過紮肚療程，只係10日就解決咗盆骨擴張同肚皮鬆弛等產後問題，回復名模身形。
(樂基兒nstagram圖片)
2. 車婉婉
車婉婉喺17年生咗9磅囝囝「BBQ」，由於佢懷孕期間骨架擴大、盤骨擴張，身形因此改變，於是佢用咗15日嚟紥肚，收細擴大咗嘅骨架，連肚腩都冇咗，佢笑言終於搵番個身材。
(車婉婉nstagram圖片)
(車婉婉nstagram圖片)
3. 孫慧雪
孫慧雪喺17年生咗囝囝Riley，之後身形一直保持微胖。後來佢為咗修身揀咗紮肚，當時佢著上非常貼身嘅紮肚帶，日日紮足10個鐘，連腰位都出返嚟。同一時間，佢加埋做運動、均衡飲食，由生完147磅減到120磅，好厲害。
(孫慧雪nstagram圖片)
(孫慧雪nstagram圖片)
4. 張名雅
張名雅喺17年生咗大仔Mario，當時佢用咗10日紮肚。佢表示用咗3層布嚟紮，第一日好似變咗機械人咁，唔係好郁到，但之後習慣咗已經行動自如。佢話條腰好快去返27吋，連以前著唔落嘅牛仔褲都著到。
(張名雅nstagram圖片)
(張名雅nstagram圖片)
5. 葉翠翠
葉翠翠如今育有3個囝囝，但身形好似未生過咁，原來佢試過紮肚修身，每日紮足8個鐘。佢話紮完好快會感覺到腰骨明顯挺直，腰臀線條回復，可以著返未生BB前嘅窄身裙。
(葉翠翠nstagram圖片)
(葉翠翠nstagram圖片)
撰文：張芷晴
責任編輯：楊安莉