新冠肺炎疫情仍然未止，唔少人會選擇留家抗疫。張繼聰同謝安琪嘅3歲細女張靖一樣，大部分時間都要留喺屋企。近日，張繼聰喺社交平台上載新相，相中張靖坐喺窗前，舉高雙手貼窗，身邊有隻狗狗公仔陪住佢。張繼聰話由囡囡背影都感覺到佢想去公園玩嗰種強烈嘅心情，新手媽媽楊怡見到都留言：「陰功豬。」有網民提議張靖可以同班公主公仔玩，但張繼聰就笑言：「咁...即係又係我？」又指大人同小朋友喺呢段時間都捱得唔容易。
(張繼聰instagram圖片)
張靖唔係只顧住自己嘅心情，喺另一張相，佢伸出小手拍拍公仔嘅膊頭，張繼聰指囡囡似乎想安慰公仔可以好快去公園，希望令對方放心。唔少網民都讚張靖好可愛：「見你放阿女啲趣事咁過癮，好想生女」、「善良嘅小朋友」、「好浪漫」等。
(張繼聰instagram圖片)
除咗張靖之外，有部分網民嘅焦點就放咗喺窗外嘅靚海景上。其實唔止今次，張繼聰同謝安琪愛喺社交平台分享家庭生活，令豪宅內貌不時曝光。
佢哋間豪宅裡面裝修淡雅簡潔，樓底相當高。客廳有超大電視機，平時張繼聰好鍾意喺度同仔女打機、跳舞。
(張繼聰instagram圖片)
{{hket:inline-image name="21.jpg"}}{{/hket:inline-image}}
(張繼聰instagram圖片)
{{hket:inline-image name="22.jpg"}}{{/hket:inline-image}}
(張繼聰instagram圖片)
去到房間，設計簡潔，謝安琪曾經喺落地玻璃嘅窗邊影相，窗外對住無敵大海景，正到暈。
(謝安琪instagram圖片)
{{hket:inline-image name="25.jpg"}}{{/hket:inline-image}}
(張繼聰instagram圖片)
{{hket:inline-image name="14.jpg"}}{{/hket:inline-image}}
(張繼聰instagram圖片)
{{hket:inline-image name="27.jpg"}}{{/hket:inline-image}}
(張繼聰instagram圖片)
洗手間裡面有個好靚嘅浴缸，加埋昏暗嘅燈光，喺度浸浴真係夠晒舒服。張繼聰曾經同囝囝張瞻一齊沖涼，囝囝幫佢擦背，畫面好溫馨。
(張繼聰instagram圖片)
至於囡囡張靖年紀輕輕都有自己嘅房，唔少網民留言表示羨慕：「間小公主房好靚好大」、「好正呀」。間房係由謝安琪悉心打理，採用粉紅色同白色做主色，襯晒小公主張靖。
(張繼聰instagram圖片)
▼飯廳
{{hket:inline-image name="20.jpg"}}{{/hket:inline-image}}
(張繼聰instagram圖片)
天台有私人泳池同放滿盆栽嘅小花園，環境清幽，可飽覽吐露港同船灣海景，同時又可眺望八仙嶺山景。
(張繼聰instagram圖片)
{{hket:inline-image name="29.jpg"}}{{/hket:inline-image}}
(張繼聰instagram圖片)
比華利山嘅公共地方都好靚，充滿歐陸風情，謝安琪曾經喺屋企附近一邊散步，一邊拍片錄自己唱歌。
(張繼聰instagram圖片)
張繼聰夫婦早年以約28,000港元租住面積2,686平方呎嘅比華利山別墅，之後遷入同屋苑雙號獨立屋一個約4,000呎嘅單位。由於比華利山遠離市區，私隱度高，唔少藝人都係住喺該處，例如陳豪、徐淑敏（現名徐菁遙）、楊怡等。
撰文：張芷晴
責任編輯：楊安莉