60歲嘅影后惠英紅入行多年攞過大大小小嘅獎項，演藝實力有目共睹。近日，佢接受鄭丹瑞（旦哥）訪問，於網上演技訓練互動平台「SHOW 8」分享演藝生涯嘅高山低谷。
惠英紅自14歲加入邵氏，成為動作片明星。直到動作片開始衰落，被定型為打女嘅惠英紅人工只有文藝片演員3分1，之後更曾半年冇工開，令佢驚到患有抑鬱症：「嗰5、6年係銷聲匿跡咗，有自殺過，覺得自己係垃圾。」
(《射雕英雄傳》電影截圖)
{{hket:inline-image name="26.jpg"}}{{/hket:inline-image}}
(SHOW 8影片截圖)
後來惠英紅被人救起，佢開始意識到自己有病。佢認為真正嘅自己唔係咁懦弱，於是積極醫病，期間更考取多個文憑，希望自救同幫人：「首先要控制情緒，我去學醫療、精神學、香薰治療。我係香薰治療師，醫情緒，我有掛牌幫人。」
(SHOW 8影片截圖)
慢慢惠英紅愈學愈多範疇，風水、畫畫、音樂、廣告繪畫都有涉獵到。佢話為咗唔好被人睇死，一定要增值自己：「我覺得自己唔夠『墨水』，演員如果冇料，將來有咩角色都演唔出深度。停咗咁多年再出嚟，我唔可以被人當係新人。有啲人『白鴿眼』令我覺得好難捱，但我覺得冇理由畀你打敗，你愈踩我，我要更勁。」嗰兩年時間，惠英紅不斷日日走幾堂，讀咗好多書，生活好充實，最後終於控制到自己情緒，自信返晒嚟。
(SHOW 8影片截圖)
之後惠英紅終於有戲拍，獲曾志偉邀請拍攝電影《江湖》。佢坦言呢套戲係入行以來最怯，同時令佢真正開竅嘅作品，佢憶述當時佢有兩頁紙對白，但準備時間不足，令佢冇把握做好：「真係冇時間，7點幾佢哋叫我落去食飯，我第二日仲要去大陸，得嗰晚可以拍。死啦，你叫我嚟幫手，唔衰得。」最後惠英紅喺短時間內頓時開竅，成功演完場戲。因為呢次機會，佢終於明白做戲嘅節奏，將演戲帶到另一個層次，所以佢不忘多謝曾志偉嗰陣搵佢拍呢套戲。
(SHOW 8影片截圖)
{{hket:inline-image name="29.jpg"}}{{/hket:inline-image}}
(SHOW 8影片截圖)
{{hket:inline-image name="22.jpg"}}{{/hket:inline-image}}
(網上圖片)
多年來，惠英紅一直學以致用，將自己嘅經歷套入唔同電影內，幫助自己更加投入角色。例如拍攝驚慄電影《上身》時，飾演心理學家嘅佢就將學到嘅知識運用出嚟：「我本身有精神分裂，亦都接受過催眠，好熟悉。我睇番畫面，我直頭覺得我就係心理學家。」
(《上身》電影截圖)
{{hket:inline-image name="24.jpg"}}{{/hket:inline-image}}
(《上身》電影截圖)
惠英紅又指自己能夠同醫生分析病因、病理、如何用藥，喺拍攝期間佢會教番工作人員點做：「依家我嘅醫學知識好高，我係好愛研究醫學，只不過屋企好窮，如果環境好啲，我今日係個好出名嘅醫生，但有時啲嘢返唔到轉頭。」
(SHOW 8影片截圖)
撰文：張芷晴
責任編輯：楊安莉