【聲明】港生活網站並無進行電話推廣活動

【居住問題】樓價貴工時長人工不跟通脹加 港男大呻香港社會問題惹共鳴 「唔通40、50歲仲要同父母住公屋」

發佈時間: 2020/09/05

本港樓價持續高企,令不少市民「上車」無望,部分人更因與家人蝸居細小單位而衍生衝突。一名港男周四(3日)在網上吐苦水,大嘆香港樓價高、工時長,但人工加幅卻未跟得上物價通脹。對此,他不禁悲觀地稱:「唔通將來40時、50時,仲要同父母住公屋?」

該名港男於網上討論區「連登」以「今日經過樓下公園,忍唔住喊左出黎...」為題發帖,指自己想起星期五早上又要7時許起身返工,「買個麵包,又要同人逼巴士......之後落車上斜行十分鐘,食晒香港又污染又污濁的空氣」;回到公司,又要面對複雜人事關係、做很多費神的瑣碎工作,

「又要對住人扮好開心好開朗咁,又要快又要唔可以有錯......不知不覺,放工時間,但總要OT一會,搭埋車番到屋企又9點10點lu......」

他續指,當放工時去連鎖店買朱古力,「入到去,見到個店員神色呆滯,還要辛苦的假笑,然後說歡迎光臨,活在香港就要這樣子嗎?」至搭車回家時又要逼巴士,

「上車一『嘟』,發覺巴士原來又加咗幾毫子,點解只有加,我未見車費減過嘅,人工又唔(見)我加……」

父親講明層樓留給弟弟娶老婆,家姐感心悒「做女冇份咩」,弟弟網上求助:應該點安撫家姐?,詳情即睇:【下一頁

事主又指,當步行回家時經過樓下地產舖,驚覺原來屯門所住附近的單位「都要成400萬」,「計咗一計......首期當2成80萬,320萬分20年還,估計大約供640萬,分20年供,平均一個月2.6萬。」但他指,現時大學生投身社會後,月薪都未必有1.6萬元,

「唔使畀家用、水、電、雜費、loan(學貸)、搭車、食飯、上網、電話、睇醫生、強積金等咩......唉......唔通將來40時、50時,仲要同父母住公屋?」

而當回到家食完飯、梳洗完開電視後,又聽到新聞講「最低工資35元」,「我心諗35元可以做得乜」;同時,他又埋怨官商勾結導致香港樓價高企。他指出,有人會認為香港交通方便、多娛樂、稅率低等;而「甚麼舖頭開到好夜」之說,他認為大家的方便是建立在店員工時長的痛苦上,「至於多娛樂,咪又係行街,唱k,有甚麼特別,個個商場一式一樣」。最後,他用一句概括香港社會現況:

「香港真是一個病態的社會和地方,那樣令人生厭......」

不過,他亦認為人始終要回歸現實,「覺得自己不滿去怨,於是無補......係嘅。唯有自己努力點,才有機會離開這個煉獄般的地方。」

男友月入5萬求婚戒指不足1卡,港女嫌太細:只係用半個月糧買,詳情即睇:【下一頁

帖文一出隨即引來一眾網民共鳴,紛留言表示:「香港根本係生存,而唔係生活。」、香港細到連一個可以放聲喊既地方都冇,我今日都喊咗好多次,覺得眼前嘅問題冇辦法可以解決到。」、「Bro,共勉之!」

另外,亦有網民認出帖文並非事主「原創」,實則是一篇舊文再加以更新數字,但仍大嘆道:「10年前嘅文而家仲啱用先係個可悲嘅事實,改下啲數字po返出來又會有一堆人共鳴!」、「10年之後乜都冇變過、反而更加差!」

 

每朝索取《晴報》:精明生活.健康家庭.開心娛樂

責任編輯:李凱晴