【聲明】港生活網站並無進行電話推廣活動

7-11輕便環保袋 花生漫畫角色做主角可愛又實用

發佈時間: 2020/09/07

今年係Snoopy面世70周年嘅大日子,黛安收到風,7-Eleven聯同美國連載漫畫《花生漫畫PEANUTS》人氣角色,及日本時尚生活品牌「niko and…」聯乘推出獨家環保袋,由Snoopy、Charlie Brown、Woodstock及Lucy呢4位PEANUTS經典角色,化身一套8款時尚環保袋,每一款都展現漫畫故事中的情景,好可愛㗎。

公關姊妹話,其中6款係「輕便環保袋+大頭公仔收納袋」,有齊呢4個角色嘅大頭公仔!每一款都附有指定款式大頭公仔收納袋,可將環保袋摺疊並收藏喺大頭公仔頭內,大家仲可以扣喺手袋或背囊,方便攜帶。另外2款係「加大版環保袋+多用途拉鏈袋」,手提及肩背都得,每款仲有指定款式嘅多用途拉鏈袋,可以收納八達通及鎖匙等零碎小物,得意又實用。

想買嘅朋友留意喇,呢8款環保袋會喺下個星期三(16日)早上7時起至10月30日有得換購,大家千祈唔好錯過呀。

撰文: 黛安 消息特靈八卦公關
欄名: 八卦名利場