香港著名導演陳木勝上月因鼻咽癌離世，終年58歲，其出殯儀式今日於沙田聖本篤堂舉行，一眾圈中好友都有出席，包括洪金寶、楊受成、成龍、張家輝，林超賢，羅啟銳、張婉婷、導演陳德森、麥當傑、謝寧、關信輝導演、林小明、樂易玲、杜琪峯、鄭保瑞、郭富城與經理人小美等，而杜琪峯、林小明、楊受成及成龍為其扶靈。
陳木勝（東星娛樂）
約12時45分儀式結束，嘉賓陸續離開，當中林超賢與張家輝一同接受訪問，林超賢與陳木勝作品都以動作片居多，林超賢指自己見面時都會向對方請教。
林超賢（左）與張家輝（東星娛樂）
張家輝就指與陳木勝早在亞視時已認識，自己拍劇對方做監製，對好友讚口不絕：「陳木勝畀我嘅感覺一路都好健康、乾淨、有禮貌，呢行嘅人都好豪情，佢就一直都好乾淨，尤其佢對白波鞋成日都咁乾淨。（陳木勝）導演喺港產片上拍咗咁多好嘅作品，我覺得佢嘅離開，年紀尚輕，特別難過，好似香港老品牌咁，耐咗會有感情，依家好似好突然唔做，又或者移民，無得取代。」
（東星娛樂）
二人最後一次合作是拍攝電影《掃毒》。（東星娛樂）
提到近年同陳木勝少有合作，張家輝即開始表現激動，眼紅紅、手震及哽咽，並停頓沉思良久，熱淚盈眶。張家輝表示二人本身有合作計劃：「懷念陳木勝最好嘅方法就係睇佢嘅《怒火》（陳木勝遺作）。」
（東星娛樂）
有指家輝身形消瘦兼連戴兩個口罩，令人擔心其健康狀況。不過據知家輝為10月開拍嘅內地電影《731》減磅，家輝飾演二戰時期日軍人體實驗受害人。
洪金寶對好友陳木勝其離世感婉惜，更指對好友患病亳不知情：「之前諗起好耐冇聯絡佢，跟住短訊約佢飲茶，但佢10日後就過身。」他大讚陳木勝為人正直：「正人君子，好好先生，冇得頂，我好心痛同可惜。」
洪金寶（東星娛樂）
近年於影壇屢奪殊榮的郭富城跟陳木勝合作過不少作品，佢更直指對方為其伯樂：「同佢合作過嘅人都係佢嘅好朋友，一定都好難過同傷心，佢仲係我喺電影上嘅伯樂，真係好唔捨得！永遠活在我哋心目中，安息。」郭富城指工作上一直由經理人小美負責聯絡陳木勝：「最近有邀請佢去睇《麥路人》，佢有應承去睇。」
郭富城（東星娛樂）
撰文：黃蘊姿
