【聲明】港生活網站並無進行電話推廣活動

大女與同性伴侶訂婚 馬詩慧反傳統唔送金器

發佈時間: 2020/09/08

名模馬詩慧(Janet)與王敏德的大女王曼喜,日前宣布與同性伴侶Elaine Chen訂婚。將「嫁女」的Janet前晚出席模特兒比賽活動,笑指女兒公布婚訊後自己才得知,思想開通的Janet說︰「佢大個女喇,思想成熟,我哋好信任佢嘅判斷,依家搵到個鍾意自己又對自己好嘅人,我當然會祝福佢哋。」王敏德是否接受?她說:「老公從來無唔接受,仔女開心就得。」送金器給王曼喜做嫁粧?她笑說:「佢哋咁唔跟傳統,我都唔使咁跟傳統啦。」

同場的Mr.成員黎澤恩(Ronny),與蔡宛珊在ViuTV劇集《熟女強人》中演夫妻,在劇中與另一對夫婦玩交換情人,Ronny坦言現實中絕對不能接受:「聽到都打冷震同毛管戙。」提到Mr.主音布志綸疑指吳業坤新歌《原始心態》跟Mr.舊歌《森林》相似,Ronny說︰「Alan嘅意思係話後面和弦底有啲似,唔可以話係抄襲。」

攝影︰林良明

大女與同性伴侶訂婚 馬詩慧反傳統唔送金器

王曼喜(左)與伴侶Elaine Chen曬戒指宣布訂婚。(資料圖片)

大女與同性伴侶訂婚 馬詩慧反傳統唔送金器

黎澤恩與蔡宛珊將在新劇玩「換妻遊戲」。