電影《聖荷西謀殺案》由鄭秀文（Sammi）、蔡卓妍（阿Sa）及佟大為主演，當中Sammi與阿Sa更是事隔17年《戀上你的床》後再度合作，兩人都直言今次合作有另一番感受。而Sammi更指今次角色具挑戰性，角色複雜亦正亦邪，可以令觀眾看到另一面的自己。
(圖片：《聖荷西謀殺案》劇照)
《聖荷西謀殺案》故事講述Ling（鄭秀文 飾）與丈夫Tang（佟大為 飾）在聖荷西過著彷彿寧靜無憂的理想生活，直至Yanny（蔡卓妍 飾）因想走出一段失敗戀情，從香港逃到聖荷西，寄居於她最信任的Ling姐家中，結果Yanny竟揭發了這對夫婦背後隱藏的身分真相。
(圖片：《聖荷西謀殺案》劇照)
Sammi於戲中飾演的阿Ling對愛有著執悟，表示角色有別與以前的演出：「角色複雜亦正亦邪，有善亦有惡一面，有空間同層次畀我表達唔一樣演出，過去愛情小品未見過鄭秀文有呢一類演出，人生經歷多咗，演呢個角色更有說服力，太年輕演無咁強說服力 。」
Sammi更特意為了角色增肥：「增肥咗十磅八磅，因為有一兩場Love Scene，希望熒幕上嘅我同舞台嘅我有啲唔同，無咁骨感。」她續說：「而家呢個年紀唔鍾意自己好瘦，做運動係想維持肌肉嘅感覺，唔鍾意太瘦，飲食健健康康，運動持續正常，好難會好肥。」Sammi表示自己以往亦很少拍Love Scene，「兩個Love Scene對塑造人物角色好重要，拍嘅時候都係除剩個Bra，平時做運動都係，都唔會尷尬。」
(圖片：《聖荷西謀殺案》劇照)
問到角色對愛的執悟會否與其相似，Sammi就否認：「佢魔鬼嘅一面係對愛執悟、痴迷好強烈，自己唔係。我自己覺得喺愛入面唔好選擇咁強烈嘅恨，會帶嚟好大傷害同痛苦，不過好多時都係人嘅性格，同埋自己宗教信仰幫到好多，去慢慢梳理內心感受。」
(《晴報》圖片)
而阿Sa就笑指自己角色相對輕鬆：「在三個主要角色中，Yanny是最簡單、輕鬆的一個，即使陷入一段混亂的感情，她的反應都非常直接，要走便走，我只需要很直接地演繹就可以。」
(《晴報》圖片)
Sammi與阿Sa自2003年《戀上你的床》，睽違17年再度合作。阿Sa坦言當年和Sammi第一次合作時，雖然大家在同一套戲裡，但卻沒有什麼同場或對手戲：「嗰時我仲係新人，比較害羞，無咁多勇氣同前輩講野，而家成熟啲同有共同話題。」Sammi亦大讚阿Sa成熟了不少：「意想不到係佢個人成熟過佢個外表，佢係好顧及感受嘅人，合作好舒服。」
(《晴報》圖片)
阿Sa亦指Sammi對她很好，「唔單止合作，記得個時唔係好熟，自己面對緊唔開心嘅時期，Sammi特登透過中間人搵我，send message鼓勵我，個刻好感動。」Sammi又指自己都曾經歷過depression，願意以過來人身份鼓勵她。Sammi指阿Sa與阿嬌曾經到她的家裏作客，又會跟她們傾心事，做啦啦隊為她們打氣。問到是甚麼心事，阿Sa說：「忘記了，已經是咸豐年的事。」
場地：香港維港凱悅尚萃酒店
On Sammi
髮型：Joey Hui @Hair culture
化妝：San Chan
形象：Tanglai, Tungus Chan, Matthew Chan
服裝：Celine
首飾：Tiffany & Co.
On Sa:
髮型：Heibie Mok @ Hair culture
化妝：Yannes lee @ndnco.co
形象：Pipa Creative
服裝：I.T Apparel, Harvey Nichols, Iijin
撰文：林惠珊
責任編輯：楊安莉