【單親湊大四子女】吳浣儀遭貶做「二打六」劈炮唔撈 喪夫生活艱難羅蘭鮑姐仗義相助

藝人吳浣儀日前接受好友苑瓊丹主持的香港開電視節目《開工大吉77》訪問，暢談多年演藝生涯的點滴。於1973年入行的吳浣儀，透露年輕時突然被電視台「降呢」演閒角，又因為戀愛大過天兼且「喜愛夜蒲」，所以把心一橫劈炮唔撈，吳浣儀笑言：「當年另一半都冇話養起我，但拍極都係閒角，由朝等到晚都未埋位，阻住我拍拖嘛！」

相關新聞：老公肺癌病逝 吳浣儀自認「虎媽」 「一門四傑」仔女係港大畢業生

{{hket:inline-image name="DSC09537.JPG"}}{{/hket:inline-image}}

（大會提供）

{{hket:inline-image name="DSC09627.JPG"}}{{/hket:inline-image}}

（大會提供）

今年64歲的吳浣儀，自爆年輕時十分貪玩，而且晚晚都鍾意夜蒲，她更直席向苑仔示範舞姿：「苑仔話我嗰樣老老實實，但佢唔了解後生嘅我，當年我都係會周圍玩，收工要去『蒲』㗎，去飲嘢、跳舞之類，跳得好勁添，我係鍾意去玩！」由於熱愛演戲，所以年僅17歲便以玩票性質參加藝員訓練班，沒想到這個決定令她找到自己的終生職業。

{{hket:inline-image name="DSC09554.JPG"}}{{/hket:inline-image}}

（大會提供）

{{hket:inline-image name="DSC09273.JPG"}}{{/hket:inline-image}}

（大會提供）

吳浣儀表示：「年青時有人讚我幾靚，加上讀書時有做過舞台劇，覺得自己鍾意做戲，見到電視賣廣告，又冇咩做咪試吓考訓練班，諗住唔得㗎，點知又過晒關，所以話真係整定嘅！」雖然入行初期只出演閒角扮茶客，但兩個月後便接拍有份量角色迅速走紅：「因為我以前又曳又惡死，所以角色都叫做番我自己，好自然就發揮到囉。去到1975年我因為『嬲』而離開電視台， 當年都算年輕，做咗兩年突然搵你做啲閒角，加上唔小心NG就會有說話聽『唉，冇船過海啦！』，而我又剛開始拍拖，咁咪唔鬼做囉！」

{{hket:inline-image name="DSC09964.JPG"}}{{/hket:inline-image}}

（大會提供）

{{hket:inline-image name="10653301_10205025709830760_392902818721289671_n.jpg"}}{{/hket:inline-image}}

（FB圖片）

因愛情成為離巢動力，否則應不會太衝動拒續約，吳浣儀笑指：「當年另一半都冇話養起我，但拍極都係閒角，由朝等到晚都未埋位，阻住我拍拖嘛！總之都係任性啦，做嘢冇諗過後果，跟住就轉咗去佳視，點知最後執埋，咁我咪走去結婚囉。」直到丈夫05年患上肺癌，吳浣儀一邊照顧家人，另一邊廂拍劇養家，成為人生最艱辛的日子：「當時真係唔做唔得，仲要問鮑姐（鮑起靜）、羅蘭姐借錢過難關，要拍劇還債！不過我好得意，自身嘅事唔會點喊，要面對囉！後來丈夫過身，好在一直都有戲拍可以養家，當時好忙都冇時間理啲子女，但好在佢地依家都好OK！」捱過一段艱辛日子，吳浣儀四名子女也畢業於香港大學，當中大女是社工、二女是飛機師、三女是獸醫，而孻仔則在電訊公司任職，絕對是「一門四傑」。

{{hket:inline-image name="10268671_10204099769842839_6677168445099919141_n.jpg"}}{{/hket:inline-image}}

（FB圖片）

{{hket:inline-image name="10259971_10204105883795684_4212355886057336323_n.jpg"}}{{/hket:inline-image}}

（FB圖片）

近期吳浣儀因為疫情而閉關，但仍期待好劇本降臨：「依家有戲拍咪拍囉，不過我係冇攞獎命㗎，當年都恨過吓想攞，依家都想嘅！但呢啲都係整定，最緊要開開心心、身體健康，睇開啲唔好鑽牛角尖囉。」

{{hket:inline-image name="1912227_10152132432537686_2370030144299975580_o.jpg"}}{{/hket:inline-image}}

（FB圖片）

訪問期間臨近苑仔56歲生日，吳浣儀專程買蛋糕慶祝，但反被苑仔「嫌棄」：「我叫浣儀唔好客氣啦，唔好買蛋糕啦，直接封利市畀我算啦，點知佢話我俗氣！又大一歲啦，唔好問我幾大年紀啦，我哋都係第一次慶祝生日，非常難得！」

撰文：倪小珊