名模Lynn熊黛林喺2016年嫁畀郭可盈胞弟郭可頌，18年誕下一對2歲半嘅孖女Kaylor同Lyvia，一家四口樂也融融。受到新冠肺炎疫情影響，熊黛林工作量減少，如今佢大部分時間留喺屋企陪孖女玩、睇故事書，為佢哋揀學校做足準備，多咗好多親子時間，佢亦不時喺社交平台上載兩個囡囡嘅得意相。除此之外，向來注重體型嘅熊黛林就算成為兩女之母都冇偷懶，趁住留家抗疫嘅機會不斷健身。
(熊黛林instagram圖片)
{{hket:inline-image name="15.jpg"}}{{/hket:inline-image}}
(熊黛林instagram圖片)
{{hket:inline-image name="16.jpg"}}{{/hket:inline-image}}
(熊黛林instagram圖片)
早前熊黛林喺社交平台甫相大騷43吋長腿，好多網民都大讚佢好靚、有氣質，外表依然保養得宜。尋晚佢上載新相，相中嘅佢著咗白色低胸露腰sport bra，唔止露出事業線，仲大騷腹肌，佢對自己嘅身形好滿意：「初見成效！繼續努力！」唔少網民留言：「真係好努力」、「好結實嘅腹肌，厲害」、「更健康甜美」、「睇唔出生過BB」等。
(熊黛林instagram圖片)
(熊黛林instagram圖片)
{{hket:inline-image name="11.jpg"}}{{/hket:inline-image}}
(熊黛林instagram圖片)
其實嚟緊10月就40歲嘅熊黛林之所以能夠擁有咁誘人嘅身段，背後真係付出咗唔少努力。熊黛林懷孕時曾暴肥23公斤，後來佢用咗一個多月時間回到之前嘅體重，佢曾喺微博撰文講過：「我不會為自己找藉口，說甚麼『生完寶寶都這樣，胖了就是胖了』努力減下來就是了。我也不會放縱自己，從來不會買大一個碼的衣服。」咁究竟佢係用咩方法保持好身材呢？
(熊黛林instagram圖片)
(熊黛林instagram截圖)
熊黛林經常上載自己做運動嘅相，佢特別鍾意健身、跑步，有助促進身體新陳代謝，消耗熱能，防止脂肪積聚。而且佢鍾意做高溫瑜伽，幫助排走身體水份，去水腫，睇落個人就會瘦好多。就算工作好忙，佢講過點都會抽時間拉筋，唔會畀自己停落嚟，唔怪得佢身材咁凹凸有致。
(熊黛林instagram圖片)
{{hket:inline-image name="18.jpg"}}{{/hket:inline-image}}
(熊黛林instagram圖片)
(熊黛林instagram圖片)
熊黛林曾經透露自己屬於易肥體質，為咗維持好身材，有唔少嘢都要戒口。例如佢好少食高鈉嘅零食，亦好少飲高糖分嘅汽水，連凍嘢都好少食。佢曾於微博發文強調千祈唔好節食：「我不會對自己太苛刻，不會節食，對於我來說健康更重要。」
另外佢成日搽身體乳液，同時為雙腿按摩，放鬆肌肉同筋骨，可以令對腳冇咁腫。仲有佢認為好嘅睡眠質素可以幫助到減肥同改善皮膚，所以佢幾忙都會瞓覺，一日瞓至少10小時呢！
撰文：張芷晴
責任編輯：楊安莉