黃祥興、高鈞賢和袁偉豪近日接受《Tiger's Talk》節目訪問，三位都是憑「香港先生」選舉出道，高鈞賢和黃祥興更是同屆的對手，現時三位都獨當一面，非常厲害。黃祥興笑言自己出道之後發展不錯，第一個劇集已經跟郭羨妮有對手戲，而且戲份不少，他說：「當時我事業上係未Ready，我冇上過訓練班，一入行就叫我上橫店拍劇，效果唔錯，因為全部配音！」即時令全場捧腹大笑。
左起：高鈞賢、黃祥興和袁偉豪一齊接受訪問。(圖片：黃祥興IG )
(圖片：翻拍《Tiger's Talk》畫面)
隨後，主持人林盛斌和伍詠薇問到當年弟弟黃長發是第二屆的冠軍，提到他的事業因感情事大受影響，當時黃長發被踢爆搭上「鞋王三奶」李姿霆，女方比長發大16年，當時長發不理會家人反對為愛退出幕前，而女方亦放棄每月8萬元「包養費」，離開鞋王鄧劍群。祥興自認眼淺，一提到弟弟就忍不住淚水，身旁的袁偉豪打算緩和氣氛，笑指祥興經常被誤稱呼為「黃長發」，祥興笑言：「唔會嬲啦，細佬嚟呀嘛，大家一家人。」
【幫手剪臍帶】黃祥興41歲再添丁第三度做老竇 肺炎疫情嚴峻謝絕朋友探訪【下一頁】
(圖片：翻拍《Tiger's Talk》畫面)
(圖片：翻拍《Tiger's Talk》畫面)
(圖片：東星娛樂)
祥興一邊講一邊哭紅雙眼，他說：「戥佢咁多年來到依家都好心痛，主要係當年打擊比較大，對我打擊完全冇問題，我一定會搵路行，但普通人對佢嘅感覺（好大打擊），佢依家仲係好驚啲人嘅眼神望住佢。我叫佢放棄啦唔好理，都咁多年喇，同埋人哋都知道你依家有個咁靚嘅老婆，咁乖。」伍詠薇問祥興是否認為弟弟很單純，卻被誤會成壞人而心痛？祥長認為事件上弟弟都有不足的地方，他說：「當時我有話佢，當時唔知咁多咩三奶、二奶，只知佢（李姿霆）大過你，又有小朋友，好似唔係咁好，你搵返個細過你，擁有自己小朋友同家庭，唔係仲好咩？」
當年黃長發搭上李姿霆，轟動娛樂圈。(圖片：東星娛樂)
兩兄弟原本在娛樂圈拍住上。(圖片：東星娛樂)
兩兄弟起初發展十分不錯。(圖片：東星娛樂)
祥興在說話之間，有感後悔叫弟弟來港發展和參選，他說：「當時細佬剛剛嚟香港，其實佢本身唔想嚟，因為我選完成家人嚟晒香港，有少少迫佢返嚟，佢唔鍾意，覺得香港唔適合佢，點知就識到呢個女人，佢覺得女人對佢好好，好錫佢。我點解勸佢去參加《香港先生》，係因為佢唔熟悉香港環境，我喺《香港先生》呢三個月認識好多朋友，公司亦畀好多機會，希望等佢成熟啲。後來佢識咗呢個女人，有少少連累咗佢，女人某程度上係有目的，細佬太天真以為真係愛情，佢起初見到有好多報道問自己點解會出鏡，好明顯因為有識人先夾到記者，但佢唔識呢啲。」
【法證先鋒IV】黃祥興演屍體赤條條被解剖 法籍型男為家庭放棄餐廳做配角【下一頁】
黃長發不堪輿論壓力，退出幕前。(圖片：東星娛樂)
當林盛斌問到弟弟的醜聞有沒有影響他，黃祥興都對弟弟處處維護，他只稱：「一定有少少，不過其實我當時廣東話我都未練好，就算劇集戲份多，我都處理得唔好，步伐應該要慢慢來，但事件發生後就要急踩剎掣。」
在祥興的家庭照中不時見到長發的蹤影，現年35歲的黃長發似乎略有發福，他退出幕前之後，一度轉行做會計師維生，直至近年他轉職Elite模特兒公司做經理，後來再成立Liberté模特兒公司，2015年長發跟拍拖四年的捷克籍模特兒女友Zuzana在布拉格舉行婚禮，非常幸福。
(圖片：黃祥興IG）
(圖片：黃祥興IG）
長發的模特兒公司開張，大佬祥興一定要撐。（圖片：東星娛樂）
祥興仲有一個妹妹。(圖片：黃祥興IG）
長發跟太太結婚５年，非常恩愛。(圖片：黃長發IG）
責任編輯：楊安莉