【誕女一年】賭王千金何超盈減肥成功騷纖腰 做拍賣行CEO擁獨一無二收藏品

賭王何鴻燊四房長女何超盈喺2018年年底公開同辛奇隆嘅戀情，上年3月宣布懷孕，身形圓潤豐滿，當時有網民留言指佢好似佗咗10兄弟咁，增磅驚人，並指佢應該食咗好多補品先有呢個身形。誕女一年後，何超盈減肥成功，終回復以前嘅身形。

{{hket:inline-image name="19.jpg"}}{{/hket:inline-image}}

(何猷君instagram圖片)

何超盈喺上年8月生咗囡囡「荷包蛋」辛千覓，今年初佢喺Instagram分享一家人新年倒數嘅相，當時嘅佢已經清減唔少。去到5月，何超盈出席爸爸賭王嘅喪禮，佢以全黑裝扮現身，望落明顯瘦咗唔少。

{{hket:inline-image name="20.jpg"}}{{/hket:inline-image}}

(東星娛樂圖片)

尋日，何超盈喺instagram動態自拍，以消毒用具掃過愛女嘅粉紅色座椅、軟墊、玩具、BB床圍欄、仲有村上隆嘅花花咕臣，片中嘅佢終於回復產前身形，V臉再現，仲著住短身上衣，大曬小蠻腰，身材好好。

{{hket:inline-image name="14.jpg"}}{{/hket:inline-image}}

(何超盈instagram動態截圖)

{{hket:inline-image name="11.jpg"}}{{/hket:inline-image}}

(何超盈instagram動態截圖)

{{hket:inline-image name="12.jpg"}}{{/hket:inline-image}}

(何超盈instagram動態截圖)

其實喺囡囡1歲時，何超盈已經開始復工，重拾佢嘅藝術、拍賣同慈善嘅外國項目。早前，佢以聯合國教科文組織（UNESCO）策略夥伴身份, 出席聯合國青年大會（Youth Assembly）嘅年度大會。當時佢影咗張相上載到IG動態，見到佢枱面擺放咗唔少文件，準備同各國代表以網上形式開會。

{{hket:inline-image name="15.jpg"}}{{/hket:inline-image}}

(何超盈instagram動態截圖)

{{hket:inline-image name="16.jpg"}}{{/hket:inline-image}}

(何超盈instagram動態截圖)

除此之外，何超盈從小就受到熱愛收藏古董名畫嘅爸爸影響，自大學畢業後就投身發展藝術文化項目，成立藝術文化公司，之後再晉身成為澳門著名拍賣行嘅CEO。近日佢喺instagram分享喺英國V&A嘅藝術項目，努力為自己理想拼搏。

鍾愛藝術嘅何超盈仲係一個眼光獨到嘅收藏家，家中收藏咗唔少價值不菲嘅名作。例如佢擁有日本藝術家奈良美智嘅人氣畫作，「Sleepless Night（in the White Room）」，翻查拍賣網站，呢幅畫喺2015年中被一個歐洲私人收藏家拎出嚟拍賣，最後落喺何超盈手中，以1300萬港元投得。同年，何超盈用咗6900萬港元投得中國藝術家吳冠中嘅名畫《木槿》。

{{hket:inline-image name="17.jpg"}}{{/hket:inline-image}}

(何超盈instagram動態截圖)

講到佢最深刻嘅收藏，就係佢早年喺屋企慶祝生日時曾經意外曝光嘅橫軸名畫。該畫係由日本藝術家村上隆特別製作，佢喺畫作塗上經特別調校嘅螢光粉紅色，係世上獨一無二之作。何超盈曾接受傳媒訪問，指自己等咗兩年先收到呢幅價值700萬港元嘅畫，佢仲話見到村上隆幅畫就會好開心，無論幅畫升值幾多，佢都唔會賣，只會一直擺喺屋企欣賞。

{{hket:inline-image name="18.jpg"}}{{/hket:inline-image}}

(何超盈instagram圖片)

撰文：張芷晴
責任編輯：楊安莉