香港影壇猛人向華強個仔向佐，去年9月同台灣女星郭碧婷喺意大利搞盛大婚禮。早前郭碧婷一直有傳懷孕，郭碧婷同向佐一直冇回應，後來向太陳嵐終於喺微博公布新抱有喜，指向佐同爸爸一樣，喺36歲成為爸爸。
本來向佐同佗緊B嘅郭碧婷打算喺今年初於香港、台灣補擺喜酒兼辦妥註冊手續，但受到新冠肺炎疫情影響，二人被迫分隔兩地幾個月，延至6月初先正式喺香港入紙申請註冊結婚。然而疫情嚴重，郭碧婷嚟唔到香港簽紙，最後過咗3個月期限，登記自動作廢。最近向佐再次申請註冊結婚，至於幾時補擺喜酒就要睇疫情發展。
據知，現時郭碧婷就嚟生得，近日郭爸爸喺社交平台上載多張家常菜嘅相，寫道：「多個人吃飯，飯菜就多點。」、「太過分了，大中午的買一堆滷菜回來，雖說是給半子吃的，但也太引誘我了。不拿些來下酒，太對不起自己了。」向佐回覆咗個偷笑嘅表情符號。唔少網民紛紛留言，估計向佐已到台灣陪郭碧婷待產，所以郭爸爸特意下廚款待女婿：「這半年瘦了許多，之後到岳父家和老婆一起好好養身體。」、「半子是向佐嗎？」郭爸爸冇正面回應傳聞，只係回覆自己有兩個女婿：「我不會說是哪個，編劇自己編。」另一方面，向太接受傳媒訪問，表示等埋老公向華強做完手頭上嘅工作，就會去台灣探新抱同親家。
▼郭碧婷同家人合照
(郭爸爸微博圖片)
(郭爸爸微博圖片)
(郭爸爸微博截圖)
{{hket:inline-image name="14.jpg"}}{{/hket:inline-image}}
(郭爸爸微博截圖)
向佐同郭碧婷感情好好，向佐曾經公開表示人生最開心嘅其中一件事，就係擁有呢個老婆，閃盲網民。除咗愛情美滿幸福，近日向佐仲憑杜琪峯執導、韋家輝編劇嘅勵志愛情電影《我的拳王男友》，奪得《第24屆加拿大奇幻電影節》最佳男主角大獎。向佐喺電影中飾演追夢拳王，為咗拍攝效果更逼真，杜琪峯邀請咗真正嘅MMA拳手同向佐激戰。呢個獎係向佐從影14年來第一個獎項，佢話好開心可以同杜琪峯、韋家輝合作，又感謝屋企人一直以來嘅支持。
(《我的拳王男友》電影截圖)
撰文：張芷晴
責任編輯：楊安莉