00年代女子組合成員Race黃婉佩日前同一家人慶祝38歲生日，著住露肩上衣嘅佢外表冇咩點變，依然充滿少女味，一啲都唔似38歲。當日妹妹Rhonda都有出席，唔少網民見到兩姊妹合照都大讚佢哋係索爆姊妹花。
(Race instagram圖片)
{{hket:inline-image name="14.jpg"}}{{/hket:inline-image}}
(Race instagram圖片)
Race同家姐Rosanne黃婉君喺02年組成2R，後來Race不斷拍劇同拍電影，佢曾經憑《性工作者2：我不賣身·我賣子宮》獲提名香港電影金像獎最佳女配角。Race曾經失婚，4年前再婚，嫁畀大佢19年嘅新加坡富商David Loh，育有一女Cara。近年佢發展關於房地產嘅科技平台，成為女強人。雖然Race已經淡出幕前多年，但佢仍依然活躍於社交平台，唔少網民見到Race保養得咁好，紛紛喺佢IG留言，表示諗起佢喺2003年TVB青春偶像劇《當四葉草碰上劍尖時》嘅角色「嘉南」。
(《當四葉草碰上劍尖時》電視截圖)
(《當四葉草碰上劍尖時》電視截圖)
其實套劇播出至今已相隔17年，除咗Race之外，劇入面部分演員嘅近況如何？
戴夢夢
戴夢夢喺15年爆出戀上有婦之夫、太極樂隊鼓手朱翰博，之後5年情斷，有傳極速戀上富貴酒商Dell Ho。另外，星途一般嘅佢近年轉做經理人，經常協辦演唱會、舞台劇等大型活動，成日周圍飛，非常忙碌。
(《當四葉草碰上劍尖時》電視截圖)
{{hket:inline-image name="23.jpg"}}{{/hket:inline-image}}
(戴夢夢instagram圖片)
李日朗
李日朗以歌手身份出道，曾與蔣雅文組成Don & Mandy，15年以哭腔翻唱陳慧嫻經典歌曲《傻女》成為熱話。近年佢轉做幕後工作，憑自編自導自演電影《特區》喺《中韓國際電影節》獲頒最佳新導演獎。
(myTV SUPER電視截圖)
(《當四葉草碰上劍尖時》電視截圖)
{{hket:inline-image name="27.jpg"}}{{/hket:inline-image}}
(李日朗instagram圖片)
李雨陽
李雨陽星運平平，離開TVB後轉投HKTV，可惜之後冇獲得發牌。後來佢一度欠下40萬卡數，近年佢同親戚從事原味雞生意，同時北上拍戲，終還清債務。今個月佢再做老竇，同太太育有一女一仔。
(myTV SUPER電視截圖)
(《當四葉草碰上劍尖時》電視截圖)
{{hket:inline-image name="26.jpg"}}{{/hket:inline-image}}
(李雨陽instagram圖片)
陳宇琛
陳宇琛離開TVB後曾一度轉投HKTV，17年同前有線電視主播林佑蔚拉埋天窗。早前佢同鄧麗欣合作拍完ViuTV新劇《男排女將》。
(myTV SUPER電視截圖)
{{hket:inline-image name="25.jpg"}}{{/hket:inline-image}}
(陳宇琛instagram圖片)
高皓正
高皓正於10年離開TVB後同醫生女朋友結婚，依家育有3個仔女，為咗多啲時間照顧小朋友，佢5年前開始轉做幕後發展，開咗公司做老闆。
(myTV SUPER電視截圖)
{{hket:inline-image name="24.jpg"}}{{/hket:inline-image}}
(高皓正instagram圖片)
李霖恩
李霖恩喺07年已經結咗婚，現時育有兩個小朋友。佢曾因拍攝《愛‧回家》系列為人認識，早年佢開經理人公司，希望幫到一班綠葉好友。
(李霖恩instagram圖片)
撰文：張芷晴
責任編輯：楊安莉