【聲明】港生活網站並無進行電話推廣活動

行街有賞 多個商場送購物、餐飲、電影禮券及泊車優惠

發佈時間: 2020/09/11

黛安收到好消息,港鐵3大商場即德福廣場、青衣城及PopCorn,下星期一(14日)至10月11日,將推出多重獎賞,例如MTR Mobile App用戶喺上述商場指定商戶累積消費滿$1,500,即送$200港鐵商場現金券;而App用戶由下星期一至10月15日,逢星期一至四晚上6點後,喺指定食肆堂食消費滿$300,亦可以換領$50餐飲禮券乙張,或$60電影禮券乙張。

至於皇室堡由明日(12日)至10月31日,亦會推出「皇室堡初秋購物折」,首先登記成為Windsor Club會員,即可獲500迎新積分,再參與「齊齊印‧密密獎」,憑指定消費金額並集齊5個電子印花,即可免費換「皇室堡$50購物現金券」,及華人置業集團5大商場嘅「$50美食現金券」。Windsor Club會員喺假日亦可憑1,000積分換領額外1小時免費泊車㖭!

此外,新城市廣場即日起至今個月30日,每日中午12點至晚上12點,大家登入Jetso eShop(https://ntp-jetso.com)就可以6折搶購$100電子現金券。咁多商場優惠,黛安都要出動去Shopping喇。

行街有賞 多個商場送購物、餐飲、電影禮券及泊車優惠

皇室堡為會員提供唔少購物優惠,集齊電子印花可換餐飲現金券。

撰文: 黛安 消息特靈八卦公關
欄名: 八卦名利場