【聲明】港生活網站並無進行電話推廣活動

疫市下香港開茶飲店 鄧麗欣讚王子獨愛珍珠奶茶夠專一

發佈時間: 2020/09/11

鄧麗欣(Stephy)兩年前在台灣開設茶飲店,至今已在東南亞及美加等地開設近十間加盟店,而香港分店日前正式開幕,老闆娘Stephy在「疫市」之下自然相當緊張。提到男友邱勝翊(王子),她笑言王子獨沽一味只愛珍珠奶茶,相當專一。

鄧麗欣在銅鑼灣開設的茶飲分店日前試業,她親身落舖打點一切,更化身「一日店長」招呼客人。Stephy即場沖製招牌茶飲給嘉賓朋友,問到台灣男友邱勝翊可有品嘗過她的「愛心特飲」?她甜絲絲說︰「佢好似未飲過呀,因為我淨係識沖啲最基本嘅茶飲,佢比較專情、專一,就算畀好多其他款式佢揀,佢都淨係揀珍珠奶茶。」

原來Stephy的飲品店將大玩快閃概念,下月將快閃到沙田,Stephy解釋說:「呢門生意係我同兩位香港女仔朋友創立,我哋三個好鍾意去旅行,所以品牌一開始就用太空人做主題。今次香港嘅快閃形式,就好似太空人一樣,喺唔同地方周圍降落,港九新界都有落腳點,帶畀大家新鮮感。」

為飲食業同行打氣

新冠肺炎疫情下,飲食業首當其衝生意大減,但Stephy反而在「疫市」擴充,她坦言有一定壓力,不過眼見其他加盟店成績不跌反升,增強了她的信心:「我都覺得我哋好有勇氣,但見到疫境下其他加盟店好努力去做,成績愈嚟愈好,仲有錢賺,畀信心我哋決定喺香港開店,同時希望為做得辛苦嘅飲食業界朋友打氣。」

撰文︰Pauline

編輯:李潔盈

美術:梁政敏

疫市下香港開茶飲店 鄧麗欣讚王子獨愛珍珠奶茶夠專一

王子與鄧麗欣愈愛愈甜蜜。(資料圖片)

疫市下香港開茶飲店 鄧麗欣讚王子獨愛珍珠奶茶夠專一

試業期間,鄧麗欣緊張落舖打點。