【入行負面新聞多】張馨予自爆試過身形變肥遭嘲笑 曾捲吳卓羲床照風波 31歲嫁軍人

尋日，張馨予喺微博撰文自爆曾因身形肥胖慘遭嘲笑，結果網民不但唔理解佢嘅心情，更加留言批評佢。

{{hket:inline-image name="37.png"}}{{/hket:inline-image}}

(張馨予微博圖片)

喺長文中，張馨予指自己曾經肥過一段時間，當時網民曾對佢並不友好，甚至喺留言間充滿惡意：「女演員為何要拼命減肥，是因為胖了以後世界對我們並不友好。我曾經胖過一段時間，那段時間參加活動的圖片一度被拿來嘲笑，說P圖多厲害、腰圓，滿滿的惡意。禮服穿不進，時尚品牌覺得我不夠瘦，也不夠時尚，又說比男主還強壯。這樣的評論，讓人有點受傷。」佢為咗快啲變瘦，一度唔健康咁減肥，後來佢明白到自己唔應該太在意身材肥定瘦，依家會好好享受美食。最後佢叫網民對女演員嘅身材寛容啲：「希望大家不要那麽苛刻，演員的形態可以千變萬化，皮肉的美，終究不過一顆赤子之心。」

呢篇文獲得4000多人轉發，登上咗微博熱搜。唔少大陸網民留言表示唔認同佢嘅言論，認為做藝人拎住高報酬就要努力保持身材，亦有人覺得演員就係靠外表食飯，指張馨予既然做演員就要有相應付出：「受不了評論，轉行吧」、「誰讓你們演員工資這麼高」、「你選擇這職業，就要承受這職業帶來的苛刻」、「你還是少說話、少矯情」、「觀眾要求你怎樣就怎樣」。

{{hket:inline-image name="35.png"}}{{/hket:inline-image}}

(張馨予微博截圖)

唔止今次，其實張馨予入行以來負面新聞多多，最令人印象深刻就係佢同吳卓羲嘅私密床照風波。事緣喺2011年，吳卓羲嘅微博離奇出現張馨予床照，一度成為網上熱話，唔少網民認為張馨予為博上位而私自喺吳卓羲微博甫相。後來吳卓羲承認二人曾拍過拖，可惜舊情不再，張馨予喺微博留言「愛上一個壞男人」暗示大家已分手。

{{hket:inline-image name="28.png"}}{{/hket:inline-image}}

(吳卓羲微博圖片)

同吳卓羲分手3個月後，張馨予就同李晨高調宣布戀情，當時李晨喺微博公開表示：「今後，天涯海角，有我相伴。」但幾個月後，張馨予發出分手聲明，指自己襯唔起李晨。後來李晨公布同范冰冰相戀，張馨予再喺微博發文：「有時候你以為一輩子在身邊的人，也許會突然消失」當時李晨以千字文反擊，指當時係「張小姐」出軌先會搞到分手收場。

18年3月，31歲嘅張馨予同圈外人開展新戀情，同年8月佢突然喺微博宣布結婚，閃嫁任職反恐特工嘅何捷。如今張馨予同老公已經結咗婚3年，張馨予依然有拍劇，但打扮變得簡樸，閒時打理家中小花園，樂於做平凡人妻。

{{hket:inline-image name="32.png"}}{{/hket:inline-image}}

(張馨予微博圖片)

{{hket:inline-image name="33.png"}}{{/hket:inline-image}}

(張馨予微博圖片)

{{hket:inline-image name="34.png"}}{{/hket:inline-image}}

(張馨予微博圖片)

撰文：張芷晴
責任編輯：楊安莉